[A:26] zhes de'i tshe ston pa brgyad cu pa yin la/ de'i rjes/ gsal rgyal gyi blon po rnams kyis/ yab gsal rgyal rgyal srid las phab ste/ sras 'phags skyes po rgyal por bton/ gsal rgyal rgyal po'i khab tu gru (khru) nad kyis grongs/ de'i rjes gsal rgyal gyi sras 'phags skyes po dang / blon po ma la gnod kyis/ ser skya la dmag drangs te shAkya bdun brgya bsad pa'i dus su yang mi'u 'gal gyi bu bzhugs pa'i phyir te/ de'i tshe mi'u 'gal gyi bus/ 'phags skyes po'i dmag rnams lcags ri'i phyi rol du 'phangs lags sam zhus pas/ ston pas de ltar mi rigs te/ shAkya rnams ni rang gi las kyi 'bras bu la spyod pa yin no/ zhes bshad pas so/ des na mi'i 'gal bu ni phyir rol pa'i dbyug pas yan lag 'dam bu bcom pa ltar btang ba'i rkyen gyis mya ngan las 'das/ de'i tshe dgra bcom pa bdun brgya yang lhag med du zhugs/ de'i snga dro shA ri'i bu dgra bcom pa brgyad brgya dang bcas pa lhag med du 'das par bshad do/
de ltar mdo lung gi go rim la bltas pa'i tshe/ 'phags skyes pos shAkya bdun brgya bsad pa sogs/ ston pas dgung lo brgyad cu bzhes pa'i tshe yin par shin tu gsal/ 'on kyang / shAkya de ltar bsad pa'i rkyen gyis/ kun dga' bo'i tsha bo gnyis sogs lto phyir du 'khyams pa rab tu byung ba na/ lo bdun ma lon par rab byung byar mi rung ba'i bcas pa mdzad par bshad pas/ de dag dang dus skabs ji ltar 'grig mkhas pas dpyad par bya dgos so/
de lta bu'i ston pa la gtsug lag khang gis thog mar mnyes pa ni wA ra na si'i khyim bdag dge bzang / dge 'dun gyi gsos kyis thog mar mnyes pa ni/