[A:27] ma ga dha'i gzugs can snying po/ gnas mal gyis thog mar mnyes pa ni mnyan yod kyi mgon med zas sbyin/ 'dod pa kun gyis thog mar mnyes par byed pa ni lus 'phags kyi rgyal po gtum po rab snang yin te/ des rang gi rgyal srid kyi phyed/ 'phags pa ka tya na la phul bas so/ de ltar yang 'dul lung las/ gtsug lag khang gis bzang sbyin te// dge 'dun gsos kyi gzo sbyangs yin// gnas mal mgon med zas sbyin te// 'dod pa kun gyis rab snang yin// zhes bshad do/
des na ston pa'i gdul bya'i thog ma 'khor lnga sde nas/ tha ma ni kun tu rgyu rab bzang ste/ de'i yul ni grong khyer rtswa can gyi rdzing bu dal gyis 'babs te/ gnas de nyid na u dum wA ra'i me tog gi tshal yod par 'dul lung las bshad de/ de yang byang chub sems dpa' yum gyi lhums su zhugs pa'i tshe u dum wa ra'i tshal sbal mig thon par 'gyur ro/ gang gi tshe lhums nas 'byung ba de'i tshe sbal mig byes par 'gyur ro/ gang gi tshe gzhon nu rol pa'i tshe me tog bus par 'gyur ro/ gang gi tshe dka' thub kyi nags su zhugs pa'i tshe me tog kha phye bar 'gyur ro/ gang gi tshe dka' thub spyod pa'i tshe me tog kha rnyings par 'gyur ro/ gang gi tshe mngon par rdzogs par sangs rgyas pa'i tshe me tog thams cad rgyas par 'gyur ro/ gang gi tshe wA ra na sir lan gsum du bzlas te chos kyi 'khor lo rnam pa bcu gnyis su bskor ba'i tshe u dum wa ra'i tshal lham me lhang nger 'gyur ro/ gang gi tshe grong khyer rtswa can du tha ma'i nyi ma la zhugs pa'i tshe u dum wa ra'i tshal rnyings par 'gyur ro zhes bshad/ 'on kyang rtogs pa brjod pa'i mdo las/ mtsho ma dros pa'i