[A:30] gyis phyir mi 'ong gi 'bras bu thob/ brjod pa gsum gyi tshe dgra bcom pa'i 'bras bu thob ste/ dgra bcom pa nyi ma gung pa dang chu dbus pa zhes grags/
de nas kha cher byon pa na/ klu rnams 'khrugs te/ mda'i char phab pas utpal gyi char dang / rdo rje rtse gcig pa'i char phab pas ku su ma'i char du gyur pa dang / klu rnams ngo mtshar skyes pa na/ gnas brtan gyis/ yul 'di nga la byin cig dbul bar rngo mi thogs so/ 'di bcom ldan 'das kyis nga'i gnas su lung bstan pas deng phyin chad 'di nga'i yin no zhes smras pa dang / gnas ji tsam zhig dbul bar bgyi/ skyil mo krung bcas pa tsam mo/ skyil krung bcas pas lung pa dgu'i mdo skyil krung gis khebs so/ 'khor ji snyed cig mnga'/ dgra' bcom pa lnga brgya'o zhes smras pa dang klu rnams kyis gal te dgra bcom pa lnga brgyar gcig gis ma tshang na gnas 'di ngas dbyig par bya'o zhes smras so/ smras pa de ltar yin mod kyi gang na sbyin bdag gnas pa de na len pa yod pas/ ngas khyim bdag 'jug par bya'o/ zhes dang rang nyid kyis grong dang grong khyer dang yul 'khor byas te skye bo'i tshogs dag zhugs pa na/ de dag gis bdag cag ji ltar 'phel bar 'gyur zhes smras pa dang / gnas brtan gyis skye bo'i tshogs dag khrid de/ ri spos ngad ldan nas gur gum thogs shig/ de yang klu rnams 'khrugs pa na/ de dag kyang btul ba na klus smras pa/ bstan pa ji tsam gnas/ lo stong ngo/ ji tsam na kha che'i yul du gur gum bzhag par byin gyis brlabs so/
de lta bu'i dgra bcom pa nyi ma gung pas kha cher bstan pa btsugs shing / spos tshong gi khye'u sbas pa'i bu nyer sbas zhes bya ba rab byung bsnyen rdzogs byas