[A:32] de yang slob dpon bha byas sde pa tha dad pa dang / rnam par dbye ba zhes bya ba'i bstan bcos las/ sde pa bco brgyad gyes tshul lugs gnyis mdzad pa'i gnyis pa las/ sangs rgyas mya ngan las 'das nas lo brgya dang so bdun
spyi lo'i sngon gyi lo 1996
lon pa'i tshe rgyal po dga' bo dang / padma chen po'i dus su/ bdud sdig to can bzang po zhes pas dge slong gi cha byad 'dzin pas rdzu 'phrul sna tshogs bstan te/ gzhi lngas dge 'dun gyi dbyen chen po skyed de/ gnas brtan klu dang / yid brtan zhes pas gzhi lngas rjes su bsngags pa la/ gnas brtan pa dang phal chen pa'i sde pa gnyis su chad de lo drug cu rtsa gsum 'khrug long gis gnas/ de nas lo brgya phrag gnyis 'das pa'i rjes la gnas brtan gnas ma'i bus bstan pa yang dag par bsdus so zhes bshad pa ltar/ 'das lo nas lo bzhi brgya lon spyi lo'i sngon gyi lo 1733
pa'i tshe bsdu ba gsum pa byung ba yin pas/ 'o na rab dbye las/ lha chen gyi chos log sun phyung ba la bsdu ba gsum par bshad pa dang 'di ji ltar 'grig snyam na/ mkhas pa kha cig/ bha byas bshad pa'i bdud sdig to can bzang po dang / rab dbye nas bshad pa'i lha chen gnyis don gcig ming gi rnam grangs su bzhed pa yang mkhas pa'i bshad pa yin mod/ kho bo ltar na/ 'das lo nas lo nyis brgya nas kun tu rgyu lha chen po zhes pa zhig rab tu byung ste/ des gzhi lnga rjes su bsgrags shing / mchod rten can gyi ri la gnas pas/ mchod rten ri pa zhes grags zhes 'byung ba'i kun tu rgyu lha chen po dang / rab dbye nas bshad pa'i lha chen po gnyis gnad gcig gam snyam ste da dung dpyad par bya'o/