[A:33]
'di skabs kyi gzhi lnga ni/ gzhan la lan gdab pa dang / mi shes pa dang / yid gnyis dang / yongs su brtag pa dang / bdag nyid gsos par byed pa dang lnga la bshad de/ 'di lnga ni sde pa rnams gyes pa'i rtsod gzhir gyur pa chen po yin no snyam du sems so/
gnyis pa theg chen gyi bstan pa dar tshul ni/ rab dbye las/ de ni nyan thos rnams kyi yin// theg pa chen po'i bstan pa ni// shin tu dar bar gyur pa'i tshe// zhes pa ltar/ bka' bsdu gsum pa yan chad ni/ nyan thos bstan pa shin tu dar ba yin la theg chen gyi bstan pa ston pa 'das nas/ sde pa bco brgyad du gyes pa'i 'khrug long gi skabs su nub pa lta bur gyur pa'i tshe/ 'das lo nas lo sum brgya lon pa sa pho byi ba'i lor
spyi lo'i sngon gyi lo 1833
bram ze chen po sa ra ha byon te/ theg chen gsang sngags kyi bstan pa gtso bor spel/ sa ra ha la che 'bring chung gsum yod pa'i 'di che ba ste grub thob brgyad cur grags pa'i spyi mes so/ 'dis lo stong dang brgyad brgya bzhugs par grags so/
'das lo nas lo bzhi brgya lon pa sa pho 'brug spyi lo'i sngon gyi lo 1733
nyan thos kyi bka' bsdu gsum pa mdzad pa'i lo de nyid la 'phags pa klu sgrub bltams/ 'dis sngon ma bsgrags pa'i seng ge'i nga ro lan gsum bsgrags te/ gtam tshogs su kun rdzob las 'bras kyi gnad bshad de med pa'i mtha' bsal/ rigs tshogs su don dam rten 'brel stong nyid kyi gnad bshad de yod pa'i mtha' bsal/ bstod tshogs su bden gnyis zung 'jug gzhi lam 'bras gsum gyi gnad bshad de theg chen dbu ma'i srol rgya cher btod pa yin no/