[A:36] dngos su thob cing / mthar klu sgrub kyi dbu sbyin par btang nas bde ba can du gshegs pa'i tshe/ nA ga bo dhi/ A rya de wa/ zla grags gsum gyis gsol ba btab pas/ sku ci 'dra ba'i 'od kyi lus gcig snang bar byas nas/ gar yang ma rtog cir yang ma sems par// bcas bcos med pa'i rang bzhin rnal mar zhog// ma bcos skye med rang rig byang chub sems// de ltar rtogs na sangs rgyas de rang yin// zhes gsungs pa'i gdams pa gnang zhes sogs dang / de'i tshe Arya de was/ 'gro'o Arya de wa 'gro// 'od lus dag pa'i zhing du 'gro// song zhig nA ga bo dhi song // ri bya rkang can du 'phur te song // song zhig zla ba grags pa song // dpal gyi ri la rtogs med song // zhes sogs gsungs shing / zla ba grags pas kyang / chad do zla ba grags pa chad// klu sgrub gshegs pas lam mkhan rgyun thag chad// ma bcos skye med chos kyi rgyun thag chad// yid la mi byed chos kyi rgyun thag chad// ces smras nas dpal ldan 'bras spungs kyi ri la bzhugs/ zhes sogs bshad pas so/
'o na gong gi sgrub byed de la lan ji ltar snyam na/ kho bo ni gong du bshad pa ltar klu sgrub kyi dbu sbyin par gtong gong du lo drug brgya las ma bzhugs kyang / mthar dbu dang sku lus 'byar nas yun ring du bzhugs sam snyam ste/ dbu sbyin par gtong ba'i tshe/ nga ni bde ba can gyi 'jig rten du// song nas lus 'di la yang 'jug par 'gyur// zhes dbu bcad pa'i mtshams nas tshigs bcad de ltar byung zhes pa ltar/ mthar dbu dang sku lus 'grig ste/ 'gro don mdzad pa las shes pa'i phyir ro/ 'di'i rnam thar mi