[A:37]gcig pa kha re mthong yang mangs pas ma bris so/ slob dpon 'di byon pa'i sa pho byi ba nas/ da lta'i shing pho byi lo 'di ni/ lo sum stong nyis brgya go drug 'das pa'i go brgyad (bdun) pa yin par shes par bya'o/
de ni dbu ma'i srol phye tshul yin la/ rnam rig pa'i bstan pa dar ba'i tshul ni/ rab dbye las/ nyi ma sgrub pa'i mu stegs byed// sprang po nyi ma'i dngos sgrub kyis// gtsug lag khang rnams bsregs pa'i tshe// dam chos mngon pa la sogs pa'i// sde snod phal cher bsregs zhes grags// de nas 'phags pa thogs med kyis// mi pham mgon la gsan nas ni// de yi gzhung lugs dar bar mdzad//
ces pa ltar/ 'phags pa klu sgrub byon pa'i rjes de tsam nas/ chos mngon pa la dgra lan gsum dar ba'i dang po/ mu stegs kyi rgan mos nang pa'i gaNDi'i sgra la brtags pas/ lha klu gnod sbyin sogs kyis mchod pa'i dkon mchog gsum gyi %rtog sde% 'di brdungs pas mu stegs 'chal ba'i klad pa 'gems zhes pa zhig 'byung bar shes nas mu stegs kyis dmag drangs nas bsnubs/
gnyis pa ni/ yul dbus kyi rgyal pos/ stag gzig gi rgyal po la ras kyi na bza' srubs med pa snying gar rkang rjes 'dra ba yod pa zhig skyes su bskur bas/ ngan sngags byas so zhes stag gzig gis dmar drangs nas bsnubs/
gsum pa/ mu stegs kyi sprang po gnyis la bkru chu gtor bas kho 'khrugs te/ lo dgu dong du nyi ma bsgrubs nas sprang po nyi ma dngos grub