[A:39] 'das lo nas lo stong dang lnga brgya gya dgu 'das pa'i dgu bcu pa me mo sbrul la
spyi lo'i sngon gyi lo 543
mtho btsun grub rje mched kyis bzhengs pa'i rdo rje gdan gyi ma hA bo dhi byon/ me sbrul de nas nyis stong brgya dang brgyad lon pa ni chu mo phag lo 'di'o/ khyim bdag ma hA pa la'i bu chung bas bzhengs pa'i gandho la'i nang gi ma hA bo dhi ni 'di'i gong du byon zhes bshad zin to/
'das lo nas lo stong dang brgyad brgya nyer dgu 'das pa'i sum cu pa me mo sbrul la spyi lo'i sngon gyi lo 303
gnas brtan chos skyong dpal ldan bai rU pa dm: bi rU pa,bIrya pabyon/ khong gi don gnyis lon pa sa pho 'brug gi sa ga zla ba'i nyer gsum la bdag med lha mo bcu lnga'i dkyil 'khor du bcug ste sa dang po brnyes/ nyer dgu'i dgong sa drug pa brnyes so/ brtul zhugs kyi sgo nas rgyal ba'i bstan pa gsal bar mdzad cing / slob ma'i gtso bo shar phyogs nag po pa la gsungs ngag rdo rje tshig rkang gi sgo nas skal dman rim 'jug pa'i lam bzang dang / Dombhi pa la spros med rdo rje'i tshig rkang gi sgo nas skal ldan gcig char ba'i lam bzang bstan pa'i sgo nas rdo rje theg pa'i bstan pa gsal bar mdzad/ bai rU pa byon pa'i me sbrul nas lo stong dang brgyad brgya re brgyad pa ni shing byi 'di'o/ bir wa pa 'di nyid swa wa na tha'i dm: so ma na tha'i rdo'i sku la thim nas da lta yang skal ldan dang dngos su mjal ba'i skabs yod kyi sku mya ngan las 'das pa'i tshul ni ma bstan to/
'das lo nas lo nyis stong bzhi brgya sum cu 'das pa'i so gcig pa sa pho rta la spyi lo 298
zla grags byon/ khong gis lo lnga brgya bzhugs/