[A:i-5]
gnyis pa/ bstan rtsis 'di'i ma dpe'i nang skung yig ches mang po 'dug pa rang sor bzhag ste dpe skrun zhu rgyu yang klog pa po mang po zhig la mtshon na cha tshang ji bzhin klog mi thub la go don de bas lon dka' ba dngos bstan la brten klog pa po rgya khyab kyis lta klog bde ba'i ched du skung yig 'phyugs med du bkral ba yin/
gsum pa/ bstan rtsis 'di'i nang gi mi sna'i mtshan dang / 'khrungs yul gyi ming sogs tshig 'bru re zung da dung gang yin the tshom chod dka' ba'i rigs bzo nyes dras thal du mi 'gyur ba'i ched du tshig mtshams yas mas % rtags 'dis mtshon par byas yod pas klog pa pos dpyad pa gnang rogs/
bzhi pa/ bstan rtsis 'di'i nang gi mi sna'i 'khrungs 'das lo tshigs la la'i nang 'das lo'i lo grangs tshad la bzung na lo khams mi 'grig pa dang / lo khams tshad la bzung na 'das lo'i lo grangs mi 'grig pa'i gnad don 'di ni gal che'i gnad don zhig tu tshor nas bzo bcos ye med pa ma dpe'i nang gang 'khod rang sor bkod thog tshig mtshams der (…) gug rtags nang dogs bcod bkod yod pa ma zad/ gal che'i gnad don la dpe sgrig pa'i dpyad mchan gug rtags nang kha gsal bkod pa/ bstan bya gtso bor gyur pa'i mkhas grub rnams kyi bltams lo ston pa'i 'das lo dang sbyar te bkod yod pa rnams spyi lo'i gong dang/ spyi lo gang la babs pa yang (…) gug rtags nang kha gsal bris yod/
lnga pa/ bstan rtsis 'di'i nang mkhas grub 'ga' zhig gi slob ma grags can nges bzung byas pa'i grangs dang / zhib tu dbye ba'i grangs gnyis mi mthun