[A:47]ri'i sdong po las rang byon mched bzhi byon pa'i/ che ba wa ti skyid grong mang yul na bzhugs/ gnyis pa dbu gang yam bu ya 'gal na bzhugs/ gsum pa rdza (lja) ma li rgya bal mtshams na bzhugs/ bzhi pa bod du rgyal po'i thugs dam la spyan drangs so/
khong gis bco brgyad pa shing pho rta la/ bal mo ba' khri btsun/ rgyal po kri kri'i thugs dam [rten] byams pa chos 'khor ma dang / jo bo mi bskyod rdo rje/ rang byon sgrol ma ste/ rten gsum dang bcas pa spyan drangs/ mi bskyod rdo rje tshe lo nyi khri pa'i dus/ ma 'ongs shAkya thub pa lo brgyad pa'i sku tshad du/ rgyal po kri kris bzhengs/ rab gnas sangs rgyas 'od srung gis mdzad zer/ da lta ra mo che na bzhugs so/
khong gi nyi shu pa me pho sprel lor rgya mo kong jo jo bo shAkya mu ne dang bcas pa spyan drangs/
nyer gsum pa sa mo phag lo ra sa 'phrul snang gi gtsug lag khang bzhengs pa yin te/ de yang de'i snga lo khyi'i lo la 'o thang gi mtsho bsubs/ phag lo 'gram la zhag drug zhing bzo la zhag bzhi/ thog la zhag gnyis te zhag bcu gnyis kyi khongs su lha sa'i 'og thog rgyal po'i sprul pa'i bzo bos bzhengs/ steng thog bal bzo bas zla ba bcu gnyis la tshar/ de dang dus mtshungs su rgya mos ra mo che dang / rgyal pos mtha' 'dul yang 'dul ru gnon gyi gtsug lag khang sogs bsam gyis mi khyab pa bzhengs so/
dus gsal las/ rgyal po'i nyer lnga pa lcags mo glang la jo bo shAkya mu ne byon gsung ba 'dug/ ra mo che nas 'phrul snang du byon pa lta bu zhig lags