[B:73a] dpal sa ra ha pas mdzad pa'i do ha mdzod tshigs su bcad pa bzhi bcu pa rgyal po do ha dang / mi zad pa'i gter mdzod man ngag gi glu tshigs su bcad pa brgyad cu pa btsun mo do ha zhes pa dang / de kho na nyid kyi man ngag tshigs su bcad pa bcu gnyis pa rnams kyi 'grel pa/ slob dpon smon lam grags pas bskul ba'i ngor rtsom pa gnang zhing / spyan phyes pas gsal bar gyur pa'i tshe/ lcags mo glang gi lo
1481lo
zla ba gsum pa la/ bdag phyag 'bul dang 'dod chos 'phrod zhu bar/ yang dgon pho brang du slebs/ jo bos mdzad pa'i lam sgron bden gnyis dbu ma'i man ngag rnams kyi gzhung gi phyag dpe bsnams nas bshad pa rgya chen po dang / mdo sde rgyan 'grel pa dang bcas pa'i bshad pa rgyas pa sogs mang du gnang / chos kyi rje lo chen gyi zhal snga nas phebs/ zur du dpal dus kyi 'khor lo'i mchog dbang dang / bde mchog stod 'grel gyi bshad pa gsan pa'i zhor la kho bos kyang legs par zhus so/ de'i rting du/ dpon sa spyan snga tshes gnyis rin po ches gsol ba btab nas/ sa lugs kyi rdo rje phur pa'i dbang / drag po sgrol dbang dang bcas pa gnang ba'i phyags phyir bdag gis zhus pa'i sta gon gyi dgong mo/ byin brlabs kyi mthus kho bo cag la rmi ltas bzang po'ang byung / skabs der/ nang so don yod rdo rje rgyal pos mngon chung gis sku mdun du mjal chos kyi 'brel pa'ang bzheng pa ltar stsal/ de dang khang nyer bya pa khri dpon bkra shis dar rgyas pas mjal zhing / chos kyi 'brel pa zhus nas/ sde dpon de dag gus pa dang ldan par gyur to/ [A:173]
26 ma 'ongs pa'i dus kyang sems dpa' chen po'i rnam par thar pa rgyun mi 'chad pa zhes pa ni/
sku tshe 'di nyid kyis bstan pa la phan pa dang sems can gyi don rlabs po che yun ring du mdzad pa'i dge ba'i rtsa ba mtha' dag kyang / rgya ba ma pham pa la sogs pa'i gsung rabs yongs su 'dzin pa'i byang chub sems dpa'i spyod pa phul du byung ba 'grub pa'i ched du dmigs pa yin te/ ji skad du/ rje btsun ma pham nyid kyi mthu/ kho nas bdag ni legs drangs te/ dga' ldan gnas su theg chen gyi/