[B:73b] chos la yang dag spyod par shog ces bya ba la sogs pa rgyud bla'i 'grel bshad de kho na nyid rab tu gsal ba'i me long gi mjug tu dge ba bsngos pa lta bu'o/ lo de nyid kyi
spyi lo 1481
zla ba bcu pa'i sgang nas gsol dang cung zad 'grib pa dang / mgur glo mang tsam ma gtogs bsnyel ba med na'ang / thugs dam gyi ltas zhing gzhan du dgongs pa gtad pa'i mtshan ma byung tshul bka' shog chos kyi rgyal po spyan snga gong ma chen po'i drung dang / stag lung rin po che kun mkhyen ngag gi dbang po dang / chos kyi rje lo chen gyi zhal snga nas la gnang ba dang / bdag lho rgyud du tsa ri tra'i gnas nang nas 'khor te/ chos rgyal lhun por yong dus phebs pas/ zhal slob mchog dman bar ma mtha' dag gis so sor chos sde tha dad du sku rim rgya chen po bsgrub cing gsol ba btab kyang / mtshan ltas bzang po ma byung ba ltar/ zla ba bcu gcig pa'i tshes nyer brgyad la/ zhi ba chen po'i dbyings su snyoms par zhugs pa nas/ ji srid thugs dam ma grol gyi bar du nam mkha' shin du 'jam pa nyin mtshan thams cad du byung la/ slob dpon rin po che gzhon nu [A:174]dbang phyug dang / slob dpon smon lam grags pa gtso bor gyur pa'i dam tshig rnam par dag pa rnams kyis mchod cing / zla ba bcu gnyis pa la/ rtses thang gi gra sa chen po sogs su/ spyan snga gong ma chen po dang / chos kyi rje lo chen zhabs kyis/ rje de nyid kyi dgongs rdzogs kyi 'gyed chen po dang / gdung mchod rgya cher mdzad cing / bdag gis kyang tshes bcu'i snga dro dge 'dun lnga stong tsam la 'gyed ci 'byor pa bshams te/ phyi dro sku gdung rin po che gos dar gyi na bza' dang bcas pa zangs gser las grub pa'i mchod rten du bzhugs su gsol nas/ sku tshad dang mnyam pa'i gzims mal du bzhugs pa'i mkhar ba las grub pa'i sku 'dra/ yang dgon gyi rgyab tu phyi rten ye shes mchod rten tshad cheb bzhengs pa/ slob dpon smon lam grags pas do dam bgyis shing / chos kyi rgyal po spyan snga gong ma chen pos/ gtsug lag khang du nang rten rje btsun byams pa'i sku li ma bzhengs pa rnams kyi rab tu gnas pa'ang grub bo/ de nas chu pho byi ba'i lo zla ba gsum