[A:291]mchog tu mos pa dang / /rang gzhan dge la bskul ba'i rgyur gyur cig /mkhas mang rgyu skar dbus na nyi ma bzhin/ /gzhan phan 'od stong 'gyed pa'i yig tshang 'dis/ /blo ngan mun nag rab rib phyir bsal nas/ /blo gros pad tshal rgyas pa'i rgyur gyur cig /blo gsal ri dwags gtso bo gdong lnga bzhin/ /smra ba'i phyogs la mi 'jigs yig tshang 'dis/ /ltas ngan wa skyes tshogs rnams zil mnan nas/ /phas rgol spobs pa 'joms pa'i rgyur gyur cig /zab yangs rgya mtsho'i skye bo'i khrod na ded dpon bzhin/ /gang la ci 'dod ster ba'i yig tshang 'dis/ /blun rmongs dbul ba'i sdug bsngal kun bsal nas/ /'dod dgu'i gter kha 'byed pa'i rgyur gyur cig /nor 'tshol skye bo'i khrod na ded dpon bzhin/ /thabs mkhas gru chen ldan pa'i yig tshang 'dis/ /'gro mang phan bde'i rlung gis rab bskyod nas/ /thar pa'i lam mchog stsol ba'i rgyur gyur cig /dge ba'i bsam pas phyogs kun mtha' dag nas/ /zab bsdus legs par bsgrigs pa'i yig tshang 'dis/ /mkha' ltar khyab nas bstan pa'i bya ba kun/ /sgrub pa'i dmigs rkyen byed pa'i rgyur gyur cig /phyogs gcig 'dus na 'dod dgu'i gter mdzod dang / /so sor 'thor na'ang rin chen ras ma bzhin/ /gang ltar gyur kyang phan byed yig tshang 'dis/ /'gro mang dge la bskul ba'i rgyur gyur cig /'dod dgu'i bang mdzod legs bshad rgyan gyi spras/ /ngo mtshar gtam rgyud 'phreng ba'i drwa phyed 'phyangs/ /sangs rgyas byon tshul tog gi nyer mdzes pa'i/ /khang bzangs kun 'dzoms de yi phyogs bzhi ru/ /da