[A:292]lta'i skabs na bstan pa'i srog shing 'dzin/ /snyigs dus 'gro mgon chos rgyal rab brtan gyis/ /rnam thar nor bu'i rgyal mtshan cher btsugs nas/ /snyan grags ba dan g.yo ba'i rgyur gyur cig /mdor na bstan dang 'gro la phan phyir du/ /lhag bsam rnam par dag pas bkod pa dang / /bla med dkon mchog gsum gyi bden pa'i mthus/ /ji ltar smon pa yid bzhin 'grub gyur cig /smra ba'i seng ge 'jam dbyangs mgon po'i sku/ /mtshan dpe'i gzi 'od 'khor tshogs sku tshe'i tshad/ /zhing khams 'phrin las bzang po ci 'dra ba/ /de 'dra kho nar bdag sogs 'jug gyur cig /phyogs dus gnas skabs thams cad du dge legs chen po'i dpal gyis kun nas kun tu 'byor cing khyab gyur cig bcom ldan 'das de bzhin gshegs pa dgra bcom pa yang dag par rdzogs pa'i sangs rgyas/ smon lam thams cad yongs su grub pa'i rgyal po phyag 'tshal lo/ /tadya thA/ oM dha ra dha ra bhan dha re swA hA/ zhes pa lan gcig brjod pas/ rang dang gzhan gyi don du/ smon lam btab pa thams cad gdon mi za bar 'grub par 'gyur ro/ /zhes mdo sde nas gsal bar gsungs so/ /dge legs 'phel bar gyur cig rgya gar rgya nag li yul kha ba can/ /zas gtsang la sogs rgyal rabs mang po dang / /sa skya'i gdung rabs la sogs gangs can du/ /bla rabs byon tshul mdzad 'phrin deb gter 'di/ /bstan la rab 'byams bo dhi dhwa dza yis/ /lhag bsam rnam par dag pas myur bar bris/ /'di bris pa las dge ba gang thob des/ /'gro la 'khor ba'i g.yang sa rab bkan nas/ /sa dang lam gyi spangs rtogs myur rdzogs te/ /bcu gsum rdo rje 'dzin pa thob phyir bsngo// dge'o/ /bkra shis// //