[A:299]'chad grub dbang la bka' sdom bzhin khal kha de dag la/ kyai rdor rgyu lam mkha' spyod ma/ gur mgon chos skor rags bsdus sogs kyang bstsal/ de nas khal kha'i rdo rje thu she ye thu rgyal po/ tshe brtan rdo rje/ sras tshe ring/ ye shes rdo rje/ thA ji mi 'gyur rdo rje/ dpon mo 'od zer skyid/ sras mo yon khu ru/ mchod gnas e rten ne jo bo'i dge bskos bla ma dge 'dun bcas nas dpal ldan sa skya pa'i sbyin bdag mdzad rgyu'i dgongs gtad can de dag nas dngos 'bul nam mkha' mdzod sgo dbye ba lta bu'i gsung lan du 'di ltar grol te/ khal kha'i thu ye rgyal po tshe brtan rdo rje zhes sngon dus chos rje khu dbon gyi bstan pa'i sbyin bdag go dan dang se chen rgyal brgyud phyis sog yul g.yon ru'i dpon lag gras su byon pa'i nang nas/ da lam khal kha rdo rje sogs nas/ e rten ne jo bo dge bskos chen mor gsung ngag sogs chos bka' du ma dang bcas dgos tshul gnang ba de bzhin tshang ma 'bul shin tu spro yang/ chos bka' de dag rgya che zhing/ lag len grangs mang po zla ba tsam gyi ring la 'grub dka' bas/ da lam rten 'brel sarga dang po nged rang nas gur mgon lha bcu gnyis pa'i rdul tshon gyi dkyil 'khor du dbang bskur ba dang/ lung kha shas zur 'chad nas chos bka' mi nyung tsam dang bcas/ dpal kyai rdo rje'i bshad rgyud thun mong ma yin pa mkha' 'gro ma rdo rje gur gyi le'u bco lnga pa nas gsal bar bstan cing/ 'grel byed kyang sangs rgyas gnyis pa klu sgrub kyis Arya de ba la gnang/ de