[A:862]smon lam ji ltar btab pa 'grub gyur cig /bla ma'i bkra shis phyogs kun byin rlabs snang ba thibs se thib/ /yi dam bkra shis phyogs kun grub gnyis zil tshar thul le ba/ /chos srung bkra shis phyogs kun bskal pa'i me 'od lham me ba/ /mchog gsum bkra shis phyogs kun phun tshogs kun tu shis gyur cig /
ces pa 'di'ang 'khon rigs theg pa mchog gi rnal 'byor pa sa skya'i khri thog so bzhi pa/ ngag dbang drag shul 'phrin las rin chen bkra shis grags pa rgyal mtshan dpal bzang por 'bod pa gdung rigs ngag dbang kun dga' rin chen dang / ngag dbang kun dga' bstan pa'i rgyal mtshan nas 'di bzhin dgos tshul yun ring po'i dus nas bskul ma gnang ba dang gzhung gnas sku drag 'ga' nas kyang 'di la zhal skong zhig nges par dgos tshul gsungs pa bzhin/ gdan sa 'di nyid 'khon ston dkon mchog rgyal po rgyal bstan lnga brgya pa phrag bcur gnas pa/ lung dus lnga brgya pa phrag bdun pa/ mngon pa'i dus nas lo nyis brgya dang bdun lon pa/ bod