[B:16a]sprul nas khyod dbang zhu na su la zhu/ rab byang len na sul len 'doms shig ces gsung ba la/ de thams cad bla ma
[A:33]rje btsun khyed rang nyid la zhu ba lags/ zhes zhus pas dgyes nas dbugs dbyung / khyad par chos thams cad gnad bsdus pa'i tshigs bcad gnang / yang sgos dbang bzhi pa'i lam zab lan mang du gsungs/ lha rnams kyis bde ba can dang mkha' spyod du 'byon pa bskul ba na/ bdag la ltos pa'i 'gro ba mang du yod pas mi 'gro zhus pa dang / gzhan yang srid pa'i rgya mtsho las 'gro ba mang po sgrol ba'i mtshan ltas la sogs pa mnal lam gyi rnam par thar pa yang bsam gyis mi khyab pa la sogs pa rnam par dkar ba'i mdzad 'phrin mtha' yas pa'i ngang nas/ gdan sa gcig gshegs pa nas brtsis na so lnga/ lo bcu'i gong du khur ba nas brtsis na zhe lnga mdzad de/ dgung lo bdun cu pa me pho byi ba'i dbo zla'i tshes bcu gnyis la kho bo 'di nas bde ba can dang / de nas gser mdog can du 'khor los bsgyur ba'i cha byad kyis zhing sbyong / lus gsum pa la lus de nyid kyis phyag rgya chen po 'grub bo zhes gsungs nas gshegs so/ /bcu pa dpal chen 'od po ni/ thugs brtan zhing yangs pa ngo tsha dang khrel yod shas che ba/ shes rab dang brtson 'grus phun sum tshogs pas yab mes kyi chos la legs par sbyangs shing / khyad par sman spyad la mkhas pas gso ba rig pa'i bstan bcos nyi ma'i 'od zer zhes bya ba la sogs pa'i bstan bcos 'ga' re brtsams shing / sman gyi sgo nas gzhan don mang du mdzad de/ dgung lo nga bzhi pa chu mo phag gi zla ba lnga pa'i nyer gcig la gshegs te/ mched de gsum dpal lngan sa skya'i gzim khang nyid du
[A:34]gshegs so/ bla ma 'di la sras gnyis 'khrungs pa ni/chos rje sa paN/ zangs tsha bsod rgyal du grags te/ yum ma gcig gar bu ma nyi khri lcam zhes bya ba'o/ /de yang yab