[B:2a]rtse'i klog phreng gsar pas mkha' ngos 'gengs/ /legs bshad snyan pa'i 'brug
[A:3]sgras sa gsum bskyod/ /phun tshogs dpal 'byor char chen g.yos pa yis/ /phan bde'i skyed tshal mtha' dag rgyas mdzad pas/ /sa steng 'di na 'gran zla bral lo zhes/ /shar phyogs rgya mtsho'i mthas btugs skye rgu yis| /zhabs pad spyi bor bslangs pa'i sa skya pa/ /dri med 'khon gyi gdung brgyud rim pa la/ /sgo gsum gus pa chen po phyag btsal nas/ /de yi gdung rabs rnam par thar pa rnams/ /'dus gsal go bder 'chad la spro bar gyur/ /la las yon tan yod kyang rjod mi shes/ /kha cig rjod tshul mkhas kyang brjod byas stongs/ /deng 'dir brjod bya rjod byed mtshungs bral phyir/ /mkhas rmongs mtha' dag dga' ba cis mi skye/ /de yang thog mar gleng bslang zhing 'brel btsal ba'i phyir du sangs rgyas kyi bstan pa'i gnas tshad/ de las sngar 'das lhag lus kyi rnam gzhag bstan rtsis su grags pa brjod par rigs pa las/ rgyas par gzhan du rjod zin pas 'dir mdor bsdus shig rjod na/ gnas tshad ni mdo sde gzhan dulo stong dang | phyed dang nyis stong dang / sum stong sogs su bshad pa yod kyang / rtogs pa'i bstan pa dang / bstan pa yongs rdzogs la