[B:3a]dkar la gdan sa gtad/ de nas lo brgyad brgya na kla klo byung ba dang / de nas da lta'i bar sa ris la 'char ba'i lung dang / de las lo gcig gi mang nyung byas
[A:5]na yang mig skar dang gzas 'dzin mi 'grig pa sogs kyi rigs pas grub pas 'thad ldan yin zhing / paN chen shakya shrI dang / bcom ldan rigs ral yang 'di nyid 'thad ldan du bzhed do/ /lugs snga ma ni/ chos rje sa paN bzhed de/ paN chen shAkya shrIs mdzad pa de/ rgya gar rdo rje gdan gyi byang chub chen po'i rgyu cha spungs nas bzhag pa rnams la rang byon du byon pa'i nub mo nas bgrangs pa'i zhag grangs lo grangs yin pas/ rgya bod kyi mkhas pa gzhan rnams lugs snga ma bzhed do zhes gsung la/ 'di'i lugs kyi thub pa sa pho 'brug lo par mdzad/ jo bo chen po yang / de las lo bzhis snga ba'i shing pho byi ba la sangs rgyas 'khrungs par mdzad nas de dang mthun shas che bar snang bas/ lugs de bzhed pa po ni tshad ldan rtsod med du 'dug mod kyi/ dus 'khor dang 'gal bar ma zad pa'i gnod byed mang du snang bas na/ 'jig rten rnams skyo ba bskyed kyi dgongs pa dang / rgya gar na bgrod pa re la lo rer byed pa yun ring du byung snang bas de dgongs gzhir mdzad pa'i drang don du mdzad par gsal ste/ rgyal ba nyid kyis kyang / ston pa'i bstan pa yang yun ring du mi gnas so zhes dang / mkhas mchog dbyig gnyen gyis kyang / de ltar thub pa dag gi bstan pa ni/ /lkog mar srog phyin 'dra dang zhes sogs gsungs pa bzhin dang / gnod byed ji ltar yod snyam na/ rgya gar gyi rgyal rabs las/ rgyal ba 'das nas lo brgya dang bcu ni chos rgyal mya ngan med byon zhing / de rjes rgyal