[A:289]phyag dar phung po'i khrod/ /tshigs bcad gser gyi rdul phran yang / /rang 'od 'tsher mod rin po che/ /'ba' zhig gleng 'dir de lta min/ /bdud rtsi'i gtam gyi chu las skyes/ /rna bar mdzes de'i 'bras bu zhig /snying la smin no 'thung zhig dang / /srid pas byas pa'i 'jig pa med/ /'di nyid thos don gnyer thams cad/ /shes bya dag pa'i me long la/ /ji lta ba mthong de yod med/ /mtha' gnyis bcom pa'i rgyal rnga brdungs/ /'jam dbyangs brgyud mas mi shes pa'i/ /chos gzhan med la de'i ring lugs/ /bde gshegs bstan pa rtsod bral bar/ /nges so de phyir rgyas gyur cig /de dag nyams pa med dar ba'i/ /stobs kyi nyer 'tsho shin tu mtho/ /srid rtse brgal ba'i bsod nams kyi/ /sa bon 'di na btab rgya che/ /dpung pa gtsug lag gnyis 'thung dbang / /ral gri'i 'khri shing dpyid
rgyal po glang chen dpyid gsum la sbyar du yod pas sngon med pa'i sbyar ba gsum ldan gyi rgyan
lta bur/ /sngon por g.yo ba'i bung ba yi/ /sgeg pas dregs myos rnams bcom ste/ /nam mkha' dang mnyam sa gzhi la/ /rang dbang rgyun du thob pa yi/ /'khor lo 'dod dgur bsgyur byas nas/ /'gro ba'i re ba char du phob/ /e ma 'jig rten dge ba yis/ /gzhu bzhin bkug pa'i phun tshogs rgyud/ /sde bzhi'i dpal gyi sbyin pas srid/ /'byor pa'i rgyal po 'di rgyal lo/ /chos ldan mdzes pa'i dpal mo las byung rgyal rigs thig le'i bya ba kun/ /bde dang bkra shis 'dod pa'i 'bras bu chen pos mngar ba'i nyer spyad gsar/ /de yang sdig pa'i dgra bcom khro bas rjes su 'brel ba'i snying stobs kyis/ /thams cad mkhyen pa'i dngos po bla na med pa'i byang chub gter thob shog /'jam pa'i dbyangs dngos smra ba'i mgon po sa skya paNDi ta kun dga' rgyal mtshan dpal bzang po'i rnam par thar pa bskal pa bzang po'i legs lam zhes bya ba 'di ni sa la spyod pa'i mtho ris kyi rgyal po ngag dbang 'jig rten dbang phyug grags pa phyogs thams cad las rnam par rgyal bas myos ldan nam sa mo yos bu'i lo mgor rdzogs ldan gyi sgo 'phar rnam bzhi phye ba rin chen spungs pa'i pho brang du legs par bkod pa'o// /