[A:3a]kyi bstan pa la rab tu byung bar ches shin tu rings pa las/ sngon chos rje bla ma dam pa'i sku gdung bsam yas su zhugs la phul dus/ spur khang nas 'od kyi gong bu zhig sgra chen po dang bcas te gong dkar du song zer ba rnam thar du yod pa'i rten 'brel mngon du gyur te/ thog mar/ theg chen chos kyi rgyal po'i dngos slob brag thog chos rje bsod nams bzang po'i drung du dbu skra bcad de dge bsnyen gyi sdom pa mnos/ dpal sa skya pa'i lugs kyi chos bskor rgyud gsum man ngag dang bcas pa la sogs pa'i dbang bka'/ bshad bka'/ man ngag gi bka' la sogs pa rnams kyi bskor cha lag phran dang bcas pa rnams yongs su rdzogs par gsan/ mkhas par bslabs/ thugs nyams su bzhes/ yi dam dang chos skyong gong 'og gi bsnyen pa mthar phyin pas mthu stobs kyi dbang phyug chen por grags/ de nas chos rje dpal 'dzin bzang po'i drung du sa lugs kyi chos bskor mang du gsan cing / khyad par du gur phur la sogs pa'i gar 'chams dbyangs la sogs pa mkhas par mdzad/
Ordination and grammatical studies under Byams pa gling pa
de nas dgung lo nyi shu rtsa bdun tsam la chos rje thams cad mkhyen pa byams pa gling pa chen po'i drung du/ dge tshul gyi sdom pa bzhes te sku shin tu btsun pa'i mchog tu gyur/ mtshan kun dga' rnam rgyal dpal bzang po zhes gsol/ gzhan yang mkhas pa'i dbang po de'i drung du mdo sngags kyi chos mang du gsan cing / khyad par ka lA pa la sogs pa sgra'i bstan bcos dang / me long la sogs pa snyan dngags kyi bstan bcos dang / rin chen 'byung gnas