[A:4b]
rin po che byang chub dpal ba'i drung du rngog lugs kyi dkyil 'khor bdun gyi dbang rnams snga gong nas gsan pa bzhin/ dus phyis rngog ston bsod nams don grub pa'i drung du/ rngog lugs kyi dkyil 'khor bdun la sogs pa'i chos bskor rnams kyi lung man ngag bshad pa dang bcas pa rnams yongs su rdzogs par gsan/ chos rje lo chen shes rab rin chen pa'i drung du/ gsang sngags ci rigs dang / slar yang 'dul mdzod dang / sgra'i bstan bcos la sogs pa'i chos bskor mang du gsan cing / khyad par/ bka' gdams thig le bcu drug gi bka' dang glegs bam gyi lung la sogs pa'i chos bskor rnams yongs su rdzogs par gsan no/ de nas dgung lo bzhi bcu zhe gsum pa shing pho rta'i lo la/ dpal thams cad mkhyen pa byams pa gling pa bsod nams rnam par rgyal ba'i zhala? snga nas mkhan po/ mkhan chen rab 'byor seng ge ba las slob/ khrom yon par grags pa mkhan chen nam mkha' lhun bzang pas gsang sde ston pa mdzad de bsnyen par rdzogs pa mdzad do/ grub pa'i dbang phyug ras chen chos rje'i drung du/ ne gu chos drug shin tu nye bar brgyud pa la sogs pa'i zab chos mang du gsan cing / gzigs snang khyad par can mang du byung ba'i lo rgyus kyang yod/ yang / grwa ston shes rab dpal ldan pa'i drung du/ u rgyan pa'i rdo rje gsum gyi bsnyen bsgrub dang / bka' rdzogs pa chen po la sogs pa'i chos bskor cha lag dang bcas pa yongs su rdzogs par gsan/ kun spangs chos rje bsod nams rgyal mtshan pa'i drung du/ rgyud sde gong 'og gi bka' lung rgya che bar gsan cing / khyad par du/ bde gshegs