[A:94a]legs par thob cing sgrub thabs kyi bshad pa yang kun mkhyen gyis mdzad pa'i rnam bshad steng nas smin rgyas su nos pa yin no /gnyis pa jo bo'i lugs kyi brgyud rim smos te de nyid dar ba'i tshul ni/ spyir jo bo'i lugs la gsang 'dus 'phags lugs shig kyang byon mod kyang da lta chad nas mi bzhugs la/ deng sang bka' ma nub pa ni gsang ba 'dus pa spyan ras gzigs lha bcu dgu ma ste/ 'di nyid jo bo chen po dpal ldan a ti sha la 'phags pa spyan ras gzigs kyis dngos su gnang ba yin pa las/ jo bo rje bod du byon pa'i tshe lha btsun byang chub 'od kyis bdag spyan ras gzigs la mos pas/ spyan ras gzigs kyi dbang bskur cib zhu zhus pas/ des cis kyang rung gsungs nas 'jam rdor gyi rigs pas spyan ras gzigs gtso bor byas pa'i gsang ba 'dus pa lha bcu dgu dbang 'di gnang ba yin la/ des 'am pa lcags ri ba la gnang / de nas rgya lcags ri gong pa/ rdzing bu kha pa shAkya grags/ spen phu ga dar ma shAkya zhang ye pa/ ze ba don grub/ bar thang ba yab sras/ bsod nams dbang phyug mang mkhar khra tshang pa lo tsA ba mchog ldan legs pa'i blo gros/ bla ma dpal ldan seng ge bu ston rin po che thams cad mkhyen pa rin chen grub/ mkhas grub gzhon nu bsod nams/ bla ma bkra shis rin chen/ ngor chen kun dga' bzang po'i bar du legs par brgyud de/ de man chad gong du bstan pa'i 'jam rdor gyi dbang gi brgyud pa dang 'dra bas/ mkhan chen thams cad mkhyen pa ngag dbang chos grags kyi drung du kun mkhyen chen po'i yig cha'i steng nas kho bo cag gis legs par thob pa yin no/ /de ltar na kha ba can gyi ljongs 'dir dpal gsang ba 'dus pa la