[A:144b]mi'i gzugs can rje btsun dam pa sangs rgyas rgyal mtshan las dpal sa skya pa'i yab chos kyi nying khu 'khor lo bde mchog lU nag dril gsum na ro mkha' spyod dang bcas pa'i dbang byin rlabs/ bskyed rdzogs kyi zab khrid/ rgyud dang rgya bod kyi gzhung mang po'i bshad lung sogs mdor na rnal 'byor gsang mtha'i gdams pa rgya mtsho lta bu'i bka' drin mnos pa'i skal ba bzang por gyur cing / gzhan yang sprul pa'i sku lo nas spyan snga rin po che kun dga'i mtshan can dang / mkhan chen thams cad mkhyen pa ngag dbang chos kyi grags pa la sogs te/ yongs 'dzin chos bzhin du spyod pa du ma'i zhabs rdul spyi bos len pa shrI sa skya pa shAkya'i dge bsnyen paNDi ta
mkhas pa
rigs sngags 'chang ba ngag dbang kun dga' bsod nams grags pa rgyal mtshan dpal bzang pos/ sngon dus byon pa'i skyes chen rnams kyi rnal 'byor gsang mtha'i chos skor mtha' dag dar rgyas su mdzad pa'i tshul rnams la dad pa bcos min skyes pa dang / da dung kho bo cag rjes 'brangs dang bcas pa la brten nas rnal 'byor gsang mtha'i bstan pa dar rgyas su gyur na ci ma rung snyam pa'i lhag bsam dag pas kun nas bslangs te/ zab mo'i yang rtse dpal 'khor lo bde mchog gi chos tshul rgya mtsho lta bu la yun ring mo nas 'dris par byas te/ rang gi bgrang gzhi bcu phrag bzhi dang nyag ma gnyis lon pa/ rgya gar 'phags pa'i yul na ba hu dha nyaHste 'bru mang po zhes grags shing rgya nag lugs la sa pho stag gi lo bye pA Shi zhes pa'i zla ba'i dkar phyogs rdzogs pa dang