[A:205a]mi khyab pa byung yang / man ngag zab dgu rnams ni tshar pa chos rje blo gsal rgya mtsho nyid la gnang pa yin te/ de yang rje tshar chen chos kyi rgyal pos rdo ring rin po che'i zhabs pad dgung lo bcu bdun pa nas nyi shu rtsa gsum pa'i bar du 'bral ba med par bsten/ mgon dang skyabs gnas gzhan spangs nas gcig tu bsgril/ lus longs spyod thams cad ltos pa med par phul/ ci gsung ba'i bka' thams cad dwang du blangs pa la brten nas thugs rje'i chu rgyun dad pa'i snod du lhug par babs te bka' chos thams cad ci 'dod pa gsang ba dang sbed pa ma mdzad par rje nyid la pha phogs kyi tshul du gnang zhing thugs yid gcig tu 'dres/ chos zab gnad che ba rnams gnang ba'i tshe/ zhabs skor la phebs pa ltar mdzad pa'i phyag phyir khrid nas rdo leb kyi steng du maNDal mdzad de gnang / mi gzhan byung ba na 'phro gcod cing