[A:1b]rgya gar skad du/ shrI dharmA swa mi sarba dznyA bhaTTa ra ka ratna nI ra bho ga ye na maH bod skad du/ dpal chos kyi rje thams cad mkhyen pa rje btsun dkon mchog lhun grub la phyag 'tshal lo/ /gang sku nyi ma 'bum gyi gzi 'bar zhal dkyil zla ba rgyas pa can/ /gang gsung legs bshad sgrog pa'i rnga chen thams cad mkhyen pa'i gsungs dbyangs mtshungs/ /gang thugs zab cing gting dpag dka' bas kun mkhyen rgyal ba'i spyod yul ba/ /gang zhig rje btsun mkhas pa'i dbang po mtshungs med e waM pa de rgyal/ /yongs 'dzin gang gi ngo mtshar rnam thar la/ /dang 'dod dad pa'i chu gter rab g.yos te/ /legs par bshad pa'i ngo mtshar rba rlabs 'phreng / /cung zad spel 'dis blo gsal kun dgar byos/ /de la 'dir lhar bcas 'gro ba kun gyi skyabs gnas dam pa rje btsun e waM pa