[A:26a]nas gser gyi na bza' can du byas te/ der bzhugs kyi dge 'dun rnams la gdung thal tshon pa re/ bzhu ril bu/ na bza'i dum bu/ gdung tsha re dang bcas 'gyed par mdzad cing / dad ldan gyi slob ma rnams la phyogs su yang bskur ba gnang / gdung tsha lhag ma rnams rten so so'i nang du bzhugs su gsol/ bcu pa mdzad pa 'phrin las kyi 'khor lo rgyun mi 'chad pa'i tshul ni/ kun gyi skyabs gnas dam pa de nyid zhi bar gshegs kyang / nyid kyi slob ma rnams/ yang slob dang / nying slob sogs kyi dam pa de nyid kyi 'phrin las sangs rgyas kyi bstan pa gnas kyi bar du chu bo chen po'i rgyun ltar spel te mdzad pa 'phrin las kyi 'khor lo rgyun mi 'chad pa 'byung ba 'di ni rmad du byung ba'i rten 'brel gyi sgo bla na med par shes par bya'o/ /de ltar rdo rje 'chang dngos e waM pa/ /thams cad mkhyen pa dkon mchog lhun grub kyi/ /rnam thar mdo tsam bshad pa'i dge ba yis/ /bdag cag dpon slob sgrib kun byang gyur cig /de la brten nas dus 'dir tshe ring zhing / /lnga phung bro nad dang bral dbang po gsal/ /bstan pa 'dzin pa'i rigs brgyud myur 'byung zhing / /de rgyun bskal par rgyun mi 'chad par shog /bdag dang gdul byar bcas pa'i 'gro ba rnams/ /nam zhig tshe 'di'i snang ba nub ma thag /kun kyang lhan cig bde ba can skyes nas/ /slar yang sprul