[A:6a]rin po che'i sgor zhugs nas thos bsam sgom gsum gyis thugs rgyud yongs su sbyangs pa'i tshul brjod par bya ste/ de yang /
tshul gnas thos dang bsam ldan pas/ /
sgom pa la ni rab tu sbyor/ /
zhes gsungs pa ltar/ thog mar tshul khrims kyi phung po thugs rgyud la bskrun pa'i tshul ni/ 'khor ba ni me'i 'obs lta bu/ mya ngan las 'das pa ni bdud rtsi'i chu rgyun lta bu/ 'khor ba ni ro myags kyi 'dam lta bu/ mya ngan las 'das pa ni dag pa'i shel lta bu/ 'khor ba [C:265]ni sdug bsdal gyi rgya mtsho chen po/ mya ngan las 'das pa ni thar ba'i skam sa'o snyam du dgongs nas/ nges 'byung gi bsam pa bcos ma ma yin pa thugs rgyud la 'khrungs te/ khyim nas khyim med par rab tu byung bar bzhed nas chos bros kyi rnam pa lan mang du mdzad pa na/ yab kyi zhal nas/ "bu chung sngags pa 'di che ka'i che 'og sa/ sku rab pa'i rgyal srid kyi phyed dbang rgyu yin na yang / chos kyi bag chags sad pa'i rnam pa/ dwags po 'dra ba'i yul du blo mi khugs pa cig 'dug pa dang / 'di lus la 'khor dus ma la rmi ltas bzang po 'ang byung / shes rab kyang chen po 'dug pas/ dbus phyogs su chos la rdzong pa 'thad par 'dug" ces gsung zhing / mi zad pa'i longs spyod chen po dang bcas nas brdzangs te/ dgung lo bcu gsum bzhes pa lcags pho stag gi lo la bod shing sgo can du gtogs so 'tshal gyi rgyal po'i pho brang sne'u gdong rtser kha che'i paNDi ta shAkya shri bha dra'i rgyal 'tshabtshab dam pa/ tshogs chen mo pa'i mkhan chen rin po che bkras seng pa'i drung du/ tshigs snga ma dge bsnyen du sgrub pa sngon du 'gro bas rab tu byung zhing / tshigs bar ma dge