[A:7a]pa/ /
bslab gsum yongs su rdzogs pa'i ded dpon khyod/ /
rnam grol yid bzhin gling du chas pa na/ /
skal bzang don mthun tshogs rnams cis mi spro/ /
de dag ni so so thar pa yongs su rdzogs pa [C:267]thugs nyams su bstar ba'i tshul che long tsam brjod pa'i gtam gyi rba rlabs gyen du bskyod pa'i rim pa'o// //
thos bsam gyi gnas la 'jug par mdzad pa'i gtam/
da ni thos pa'i sgron mes ma rig pa'i mun pa bsal nas/ shes bya'i gnas ma lus pa ji lta ba bzhin [B:18] mkhyen par mdzad pa'i tshul rnams brjod par bya ste/ dgung lo drug lon pa'i tshe klog gi grar zhugs pa na/ brda bstan pa tsam gyis mkhyen la/ de'i mod la phyag bris kyang bshur ma'i ka mad 'dogs 'brel dang bcas pa tsam bslabs pas/ 'bru ma dang / yig sna dang / gzab ma la sogs pa bod kyi yig rigs ma lus pa mkhas par mkhyen cing / lanytsa na dang / wartu la dang / ngha ri dang / 'ga' hu la dang / nA ga ra'i yi ge la sogs pa rgya gar ba'i yig rigs mi ciggcig pa mang po bri ba dang klog pa la mkhas pa ni zhar las mkhyen to/ /de nas rab tu ma byon gyi bar lo ngo drug bdun gyi ring la grub chen yon tan bzang po pa las yab chos gsang sngags rnying ma la thos bsam mdzad de/ zhi khro sgyu 'phrul gyi dbang gsan pa sngon du 'gro bas rgyud gsang ba snying po dang / sgyu 'phrul gyi phyag len bris thig dbyangs dang bcas pa/ yongs rdzogs dbang mo che sngon du btang nas/ gter kha 'og ma'i phyag len bla rdzogs thugs gsum dang / yab mes kyi chos skyong spu gri skor gsum dang / dpe srog rtsang gsum gyi bsgrub thabs bka'i lung las rim dang bcas pa legs par mkhyen cing / rdo rje chos skyong ba rnams sku lus dang grib ma'i tshul du