[A:8b]sogs rang rgyud kyi gzhung mang po dang / sgom rim thog mtha' bar gsum sogs nyams len ston pa'i dbu ma'i gzhung dpag tu med pa la mkhas par sbyangs/ byams pa'i chos lnga/ de dang 'brel ba'i chos sde nyi shu/ der ma 'dus pa'i mngon pa gong 'og gi gzhung mang po/ 'dul ba lung sde bzhi'i snying por gyur pa so so thar ba'i mdo dang mdo rtsa ba rgya cher 'grel dang bcas pa gsan zhing / me tog phreng rgyus la nan tan du mdzad/ tshig le'ur bcas pa sum brgya pa/ 'od ldan sogs 'dul ba'i gzhung lugs 'grel pa 'grel bshad dang bcas pa rnams dang / rnam 'grel nges sogs sde bdun 'grel pa 'grel bshad dang bcas pa/ tshad ma rigs pa'i gter rang gi 'grel pa dang bcas pa sogs gsung rab phal che ba la mi 'phrogs pa'i spobs pa brnyes par mdzad/ kyai rdo rje'i rgyu dus kyi dbang bskur ba sngon du 'gro bas snang ba gsum gyi khrid dang lam 'bras kyi cha lag 'ga' zhig lung thabs su gsan/ gsang 'dus mi bskyod pa'i dbang dang / rgyud 'grel chen sgron ma gsal ba dang sbyar ba'i bshad pa dang / rim lnga'i khrid sogs rdzogs rim gzhan mang po dang / ngan song sbyong rgyud dang kun rig gi bshad pa zhi byed brgyud pa phyi ma'i dbang lung man ngag dang bcas pa/ bka' bsrungs
srung a ghau ra'i rjes gnang / sgrub thabs [B:21] las rim dang bcas pa/ pho gcod brul mtsho drug pa'i skor tshang ma dang / mo gcod kyi skor mang po la sogs pa pha dam pa nas brgyud pa'i thugs dam gyi snying po rnams kyang tshang bar [C:271]gsan/ skyes bu gsum gyi lam gyi rim pa dang / shes rab kyi pha rol tu phyin pa'i khrid dang / thang sag pa'i lugs kyi dbu ma'i lta khrid dbu ma snying po'i lta khrid sogs nyams len gyi khrid rim