[A:11b]gdams ngag ji snyed cig gsan/ mkhan chen rin po che byang bzang pa'i drung du/ rgyud pa sna tshogs las 'ongs pa'i dbang bskur ba dang rjes su gnang ba grangs kyikyis mi chod par tsam gsan cing / gzhan yang
bla ma dam pa dpag tu med pa bsten nas/ bod gangs can gyi ljongs na bzhugs pa'i dam pa'i chos la ma gsan bya ba'am/ mi mkhyen pa cung zad kyang med de/ de nyid kyis na kun mkhyen pa'i skyes bu zhes bya bar yongs su grags so/ /
khyod thugs lha yi gzhal med khang chen der/ /
rgyal ba'i gsung rab gser gyi ri mo'i tshogs/ /
mtha' dag gsal bar bris pa'i ngo mtshar gang / /
sa gsum skye dgu'i yid la lhag par sman/ /
rgyal ba'i bka' rnams mkha' ltar rgya che zhing / /
lung gi skar tshogs bgrang bar mi nus kyang / /
khyod kyi mkhyen rab chos kyi dbyings chen der/ /
ma lus cig car shong 'di skal ba bzang / /
[C:277]rgya chen thos pa'i pha mtha' mi mngon zhing / /
zab gnad gdams [B:26] pa'i gting dpag rab tu dka'/ /
nyams dang rtogs pa'i rba rlabs cher g.yo ba'i/ /
dam chos chu yi gter chen khyod lags so/ /
de dag ni rgyal ba'i gsung rab gsan pa mdzad pa'i tshul che long tsam brjod pa'i gtam gyi rba rlabs gyen du bskyod pa'i rim pa'o// //
bsam gtan gyi gnas la 'jug pa'i gtam/
da ni/ bsam gtan gyi gnas la gcig tu brtson pas bde chen gyi ye shes brnyes pa'i tshul mdo tsam brjod par bya ste/ sku gzhon nu'i tshe'ang / sgom khrid ston pa'i bla ma yin no cog la shin tu gus shing bla ma yon tan dpal ba la rdzogs chen gyi khrid mang du gsan nas sgom pa'i tshul dang / bla ma gcod chen pa la/ gcod yul gyi khrid gsan nas bsgom pa'i tshul mdzad pa sogs/ byis pa'i tshe na'ang rnal 'byor gyi dbang phyug