[A:12a]rnams dang cha 'dra bar/ sgom gyi rim pa la shin du dgyes/ gsan pa gnang ba'i skabs su'ang bshad sbyang dang rigs lung grol nas/ yang na bskyed pa'i rim pa dang ldan pas sngags bzla bar mdzad/ yang na rdzogs pa'i rim pa spros pa dang bcas pas rlung gi sbyor ba'am spros pa med pa'i ting nge 'dzin la rtse gcig tu gnas pas/ nub mo rnal mdzad pa gzhan gyis mi tshor bar grags so/ /khyad par du'ang / rgyal ba'i gsung rab mang du thos pa rnams kyi don gyi snying po ni sgrub pa dri ma med pas nyams su len pa kho na'o snyam du dgongs nas dgung lo nyer gnyis bzhes pa'i tshe/ sa mo phag gi lo la/ bka' bzhi 'dzin pa dge 'dun grub pa gsang phu'i 'chad nyan slob chung la bskos nas [C:278]rje nyid tsA ri tra'i gnas chen por bsgrub pa la bzhugs par bzhed de/ dwags por phebs pa na thog mar shar phu'i 'jam dbyangs phug par dbon po bzang rin pas srid zhu 'bul ba'i nyer gnas mdzad nas dpon slob gnyis kho na la nyer gnas kyang yol bas bar bcad de sku mtshams la bzhugs pa na/ sgrub pa'i rdzas la sogs pa nye bar mkho ba rnams kyang 'bad med du byung zhing / gnas der phebs ma thag pa nas thugs rig dwangs shing [B:27] thugs spro bas thugs dam la ngang gis 'jug par gyur / zhag bcu skor tsam song rjes nas nam mkha' dwangs shing me tog dang 'ja' 'od kyis gang ba dang / skabs su dri bzang po bro ba'ang byung zhing / rna lam ngo mtshar can mang po shar ba dang / ting nge 'dzin gyi sgo mi 'dra ba mang po'ang 'khrungs/ bzlas pa'ang sngar las 'gro che zhing / gnyid dang rmugs pa sangs pas sku gsung thugs