[A:12b]shin sbyangs kyi bde ba thob pa byung / zhag nyi shu rtsa lnga lon pa'i tshe/ dbon po bzang rin pa'i rmi lam la/ nam mkha' 'ja' dang 'od kyis gang ba'i dbus nas shel rdo'i ral gri 'od 'phro ba zhig babs byung ba gang du babs legs par bltas dus gzims phug gi rtser babs byung ba brag dang thog la thal byung du phug nas rje'i sku la thim song bar rmis shing / mngon sum du yang ril bu las 'od 'phro ba sogs ngo mtshar ba'i bltasltas mang po mthong / drung nyid thugs dam las ma g.yos par nang na bzhugs kyang / rtsig pa sogs kyi snang ba nub nas/ nyi ma'i dkyil 'khor shar ba gzigs pa snyam pa'i ngang la/ 'ja' 'od kyi gur khyim rab tu mdzes [C:279]pa'i dbus su rje btsun 'jam pa'i dbyangs smra ba'i sengges zhal dngos su bstan nas srid pa'i mtha'i bar du dge ba'i bshes gnyen mdzad par zhal gyis mches shing gsung rab ma lus pa la dbang 'byor bar byin gyis brlabs so/ /
dmar gsal 'od kyi dra bas g.yogs pa'i sku/ /
padma rA ga'i lhun po brjid pa la/ /
mtshan dpe'i 'ja' ris g.yo bas mdzes pa ni/ /
mkha' la me long gzugs bzhin gsal bar gzigs/ /
zhen med dag pa'i snang ba de shar tshe/ /
spros bral rang rig rjen par nyams su myong / /
de bas rang nyid 'jam dbyangs bla ma'i skur/ /
sgrib gnyis dag pa'i mkha' la snang ba snyam/ /
rnam med rnam par snang ba dag pa'i sku/ /
brjod med brjod pa'i gsung ni tshangs pa'i dbyangs/ /
mtha' med mtha' las 'das pa thugs rje'i 'jing / /
sngon med [B:28] sngon bsags dbang gis mjal ba na/ /
khyod kyi dge ba'i bshes gnyen nga yin zhes/ /
nyid kyi nyid la rjes su 'doms mdzad pa/ /
skye med