[A:15a]mang po 'khyil ba'i mtshor/ /
g.yo med bde ba chen po'i ri dbang po/ /
thabs shes lhag ma can gyis rab bskyod pas/ /
snying mun sel ba'i zla ba deng 'dir byung / /
zhi gnas 'od tshogs rgyas pa'i dkyil 'khor ni/ /
lhag mthong cha shas yongs su rdzogs pa las/ /
ting 'dzin bsil 'od bye ba [C:284]phrag brgya yis/ /
nyon mongs tsha gdung ma lus zhi bar mdzad/ /
nang gi mun pas ldongs pa'i skye dgu dag /
gsal byed 'od dkar bdag po shar yod kyis/ /
kun khyab thugs rje'i snang gsal 'di long zhig /
rmongs pa'i gos nag 'phrog par gdon mi za/ /
de dag ni sgrub pa bsam gtan gyi gnas la brtson pa lhur mdzad pa'i tshul che long tsam brjod pa'i gtam gyi rba rlabs gyen du bskyod pa'i rim pa'o//
sa lam gyi rtogs pa thugs rgyud la yongs su rdzogs pa'i gtam
de ltar bsam gtan gyi gnas la rtse gcig tu brtson pas bskyed rdzogs zab mo'i ting nge 'dzin las nam yang ma g.yos par sgrub pa dri ma med pa'i rgyal mtshan 'dzin par mdzad pas/ sa dang lam gyi mngon [B:32] par rtogs pa mtha' dag thugs rgyud la yongs su rdzogs par 'khrungs pa'i tshul ni/ dngos cag so so skye bo'i spyod yul las 'das pas/ phyi rol gyi rtags dang mtshan ma las shes par bya dgos te/
ji skad du/ du ba las ni mer shes dang / /chu skyar las ni chu shes ltar/ /byang chub sems dpa' blo ldan gyi/ /rigs ni tshad ma dag las shes/ /shes gsungs pa ltar ro/ /
de la thog mar dag pa'i snang ba dang 'od gsal mngon du gyur pa'i tshul cung zad tsam brjod par bya ste/ sku gzhon nu'i dus su dag snang la yi dam gyi lha mang du gzigs pa'i lo brgyusrgyus kyang yod la/ shar phur 'jam pa'i dbyangs smra ba'i seng ge zhal dngos su gzigs nas dge ba'i bshes gnyen