[A:20b]nas mo cha byas dus mkha' 'gro chos skyong gi cho 'phrul du shes te bzod gsol phul zhing phyir log pas/ 'phan yul lung pa dmag gi 'jigs pa las bskyabbskyabs par mdzad pa dang / bdag chen mthu stobs dbang phyug glang thang nas spyan drangs pa'i tshe lam 'bras lha khang gi sgo rgyab kyi bris sku gzigs ma thag mdang mi nag po dung long thogs pa dang / a tsa ra de 'dra byung nas sang nged can du phebs [C:296]dgos zer ba byung ba chos skyong gi gsun ma yin par 'dug /da lta mgon khang du 'byon pa yin gsung nas/ ja sun gcig gi rjes su gral nas bzhengs te mgon khang phyi ma'i gnyen mgon zhal yongs rdzogs gtso 'khor gyi bris sku gzigs pa na/ chos skyong 'di la nga smyon pa lta bur 'dod kyang / nga las kyang khyod smyo bar 'dug cing / chos skyong gis kyang nged can du 'ong dgos shes sogs khyed kyi bran byed par 'dug pas/ da lta chos skyong gi drung 'di nyid du rjes su gnang ba thugs la 'dogs par 'tshal zhes gsol ba 'debs par mdzad pa'i bzhed pa de nyid du bskang bas chos skyong dngos kyi thugs 'dun 'khrungs pa nas bzung / bka' brgyad dbang mo che la sogs pa gsar rnying gi chos mang du gsan pas/ dpon slob pha ma bu tsha lta bu'i thugs yid cig tu 'dres pa'i ngang nas sku rtsed kyi tshul du/ bdag chen gyis thog 'bebs par mdzad/ zhal snga nas bsrung bar mdzad pa la/ bdag chen thugs dam la bzhugs pa'i mod nyid du/ nam mkha'i mdangs ni dmar nag tu gyur/ dud sprin rab tu 'khrugs pas ni bar [B:42] snang gang / glog gi 'oda'akhrug pa ni me'i tsha tsha ltar 'khrug /'brug gi nga ro drag por sgrog pa ni gnam ral ba ltar thug chom dang 'ur sgras rna ba 'bigs par byed pa