[A:21a]sogs/ /'jigs su rung ba'i cho 'phrul dang bcas pas/ gnam lcags drag po 'bab par gzas pa'i tshe/ bdag nyid chen po 'dis ting nge 'dzin zab mo las ma g.yos bzhin du drag sngags sgrog cing phyag g.yas pa'i sdigs 'dzub kyis ded pas/ 'di nyid du 'bab par brtsams [C:297]pa'i gnam lcags kyi thog de rnams byang gi phyogs su bros nas/ dpag tshad mang po 'das pa'i pha rol du song ba dang / klu gong ba'i mi ngo rnams gang du phyin pa'i sa phyogs su rgyal po rjes su 'brangs nas/ sgab 'drer gyur pa na/ bdag nyid chen po 'di la tshar gcod par gsol ba btab pas/ drag po'i sbyin sreg gis sdigs par mdzad nas bskrad pas/ re zhig bar la ri bo dge ldan gyi rgyab ri'i mgul du gnas bcas te 'dug pa las/ lan ciggcig chos rje kun bkras pa'i nyer gnas la/ ban gzugs gdong thams cad mes tshig pa'i shu thor gyis gang ba zhig tu dngos su bstan nas/ sbyin sreg gis tshig pa sogs sngon gyis lo brgyusrgyus rnams brjod de/ rang gnas su log chog pa'i zhus snar sbran pa las/ teng nge 'dzin glod nas sngar mal du gnas su bcug pa'i rjes su/ btsan dgon phyogs su 'grul byed pa'i grwa pa 'ga' zhig la gnod tshe'tshe byas pa na/ 'byung po de la thugs brtse bas ting nge 'dzin gyi ngang nas de'i gnas su gshegs te/ rten sbyar pa'i sdong po shin tu che ba zhig yod pa sku chos kyis bcings nas 'bros pa'i skabs dang bral bar mdzad de/ slar yang de'i bran du gtogs pa gdug cing rtsub pa'i sems 'chang ba srid pa gsum gyi 'jig rten gyi khams na yod do cog sngags dang / phyag rgya dang / ting nge 'dzin gyis dbang med du bkug nas rten de la bstim ste/ sbyar sdong la sta re bsnam