[A:21b]zhing bcad pas/ sems [B:43] med pa'i shing las kyang khrag rgyun 'dzag pa dang / skad ngan sna tshogs pa bsgrogbsgrags pa sogs der 'dus pa [C:298]mtha' dag gis dngos su rig pa'i cho 'phrul dang bcas te mi ma yin 'khor dang bcas pa'i rnam par shes pa mi skyod pa'i zhing khams su bsgral nas/ de la phan 'dogs par mdzad pas/ sems can mang po klu gong rgyal po'i gnod 'tshe las skyob par mdzad pa dang / sne'u gdong du gong ma grags pa rgyal mtshan sku gshegs khar paNDita sangs rgyas bzang po'i ming thogs pa'i mi ma yin stobs chen po zhig gis btab pa la sngags 'chang chen po shAkya dpal la sogs pa'i rig sngags kyi dbang phyug shin du mang po'ang / ci bya'i gtol ma rnyed pas/ mthu stobs kyi bdag nyid chen po 'di spyan drangs pa'i tshe/ mi ma yin des/ sku 'khor ba rnams kyi yid bsgyur nas/ dngos su mjal bar rung ngam gyi ju thig dor ba na/ mi mjal ba bzang ba'i mdud pa babs pas/ re zhig ltag leb du sku rim gyi mdos gtor bsgrubsgrub cing bzhugs pa'i tshe/ dmigs yul gyi sku srog la bar gcod byung zin pa'i mtshan ma gsal po shar bas/ phyir thegs pa'i zhu ba sgor dus/ mi thegs pa'i zhu ba 'ba' zhig las mtha' gsal por ma byung ba la thugs dam gyi mtshan ma log pa sogs gsungs pas/ sku dngos kyi byin brlabs la phebs dgos pa'i zhu nan byung pa na/ sku srog la 'thung du mi 'dug pa'i bka' stsal gsal bar gnang kyangyang / zhu nan ma zlog pas/ byin brlabs mdzad par thegs pa na/ zhal mjal ma thag mi ma yin chen po de dngos su brlams te/ rab tu dngangs pa dang bcas pas cal col mang du smra zhing gting