[A:22b]las thal tshar 'dug pa'i tshul/ mngon sum pa 'di nyid yin na/ sku'i srog la 'thung ba'i thabs rgyal bas kyang mi mkhyen par 'dug /deng ni mi ma yin chen po nyid yin gyis mi'i rnam pa tsam du bas mod/ da lta'i 'di nyid bzhugs par 'dod na/ 'byung po de bcing bas bcings pa nyid kyis de ma dkrol gyi bar du gnas pa nyid do/ /de lta mod kyis/ "'byung po dag la dpon du bsam pa ni 'khrul ba bas kyang nying 'khrul te/ des na mi ma yin/ 'di bskrad nas/ yun cung zad tsam mi nyid du bzhugs par 'dod dam 'dem kha gyis shig" /ces [B:45] bka' stsal pas/ rjes ma'i don de nyid la gsol ba btab pa'i ngor/ 'byung po de la gtor ma gnang nas bka' bsgos te/ srin 'dzub la bcings pa'i phyag mdud dkrol bas/ de ma thag tu 'byung po de phyir dengs nas thugs rig gsal zhing rnal du gnas pas/ zhag gnyis gsum tsam du bka' gros gnang 'os dang / bka' chems 'jog pa sogs kyang mdzad/ de bas kyang 'jig rten phyi ma'i don gal che bar dgongs te/ rigs kyi bsnyems pa dang mngon pa'i nga rgyal dor nas bdag nyid chen po 'di'i zhabs la gtugs te/ ngan song sbyong ba kun rig gi dbang bskur ba dang / gong du 'pho ba'i gdams pa la sogs pas rjes su bzung nas/ phan bde'i bka' drin yang dag par stsal ba sogs pa ni snang srid ma lus pa la dbang bsgyur bar nus pa'i rtags so/ /
gang gi zhal nas hU~M zhes brjod tsam gyis/ /
dregs pa'i gtso bo mtha' dag dngangs byed cing / /
phaT kyi sgra yis srid [C:301]gsum bsgrol mdzad pa/ /
gsang ba'i bdag po yang 'dir byon nam ci/ /
mthu stobs rdo rje'i me char drag po yis/ /
stong phrag bgegs kyi tshogs rnams bsreg mdzad kyang / /