[A:23a]'gro kun thugs rje'i char gyis rab tu bsil/ /
zhi ba'i bde la 'god pa'i skal bzangs brtsalbzang bstsal/ /
khyod thugs snying rje chen po'i rang gdangs las/ /
bgegs 'dul khro tshogs mang po'i 'phro 'du yis/ /
gnyis snang srid pa'i 'ching ba rab bkrol nas/ /
'gro kun bde ba chen po'i gling du bsgral/ /
de dag ni mthu stobs kyi rdzu 'phrul mngon par 'du mdzad pa'i tshul che long tsam brjod pa'i gtam gyi rba rlabs gyen du bskyod pa'i rim pa'o// //
mkhyen yon gyis thugs rgyud yongs su rdzogs te rjes dpag gi rtags mngon du gyur pa'i gtam/
de ltar 'jig rten pa dang rjes su 'thunmthun pa'i cho 'phrul sna tshogs pa mngon par 'du mdzad pa tsam du ma zad/ sa dang lam gyi yon tan dpag tu med pa thugs la 'khrungs shing / grub pa'i rtags kyang mang du ston par mdzad de/ sku gzhon nu'i dus kyi rnam par thar pa smos pa rnams ni theg [B:46] pa chen por rigs sad pa'i rtags dang / g.yu mtsho'i kha la sogs par mi zas la ma rten par yun ring du bzhugs kyang / sku lus rab tu rtas shing / thugs dam rin po che gong du 'phel ba la sogs pa ni/ kham gyi zas la chags pa dang bral ba'i bsam gtan gyi ting nge 'dzin mngon du gyur ba'i rtags dang / lugs gnyis kyi mdzad pa gang la spyod kyang thos bsam sgom gsum las cung zad kyang ma g.yos par spyod pas lus sems shin sbyangs kyi bde ba thob pa ni dkon mchog mngon par rtogs pa thob pa'i rtags dang / rdzu 'phrul 'du mdzad pa'i [C:302]tshul gong du smos pa rnams dang dgon gnas rab tu mang po btab cing / rten gsum 'dzam bu'i gling du ya mtshan che ba rnams bzhengs pa'i tshe na'ang 'bad rtsol la ma ltos par ting nge 'dzin gyi ngang mi g.yo bar 'grub pa dang / dus nam yang 'chad rtsod rtsom gsum dang