[A:24a]de la mngon mkhyen ya mtshan can mnga' ba yin/ gsung ba rje nyid las dngos su thos pa dang / gzhan grwa bu slob dang / yon bdag sogs la mngon mkhyen yin par mi gsung kyangyang / ma 'ongs pa'i spang blang ji ltar lung bstan pa bzhin thog tu babs pa mang po byung ba la sogs pa rnams ni/ mngon par shes pa thogs med du mnga' ba'i rtags dang / char pa 'bebs gcod dang / sad ser thog gsum bsrung ba la 'bad rtsol mi dgos par thugs 'dun gtad pa tsam gyis don 'grub pa dang / byang gi dbrog dkar brag phug tu thugs dam la bzhugs dus brag la phyag gson pa'i rjes gsal bar dod pa byung zhing / phugs gsar nas rgyal gyi rtsibs ri la thegs pa'i lam du chibs thog nas lhung tshul bstan pa'i sar shin du sra ba'i rdo ba la zhabs gnyis ka nub pa'i rjes gsal bar dod pa dang / seng ge phug na rdo la zhabs g.yas pa'i rjes gsal bar dod pa gnyis yod pa la sogs pa rnams ni 'byung ba la rang dbang thob cing gnas lugs mngon du gyur pa'i rtags dang / longs spyod mi zad pa nam mkha'i mdzod la mnga' brnyes pas/ ci tsam spyad kyang zad mi [C:304]shes shing / 'gro ba mi dang mi ma yin pa thams cad kyis bka' nyan zhing gsung bsgrubs nas/ dgos dgu cog lhun grub tu 'byung ba ni/ snang srid dbang du 'dus [B:48] pa'i rtags dang / gzugs la sogs pa'i chos thams cad la mngon zhen log par mngon sum gyis grub pa dang / me dang chu la sogs pa 'byung ba'i gnod pa dang / 'byung po'i gnod pas gtses pa mang po zhi bar gyur cig pa'i gsung byon pa tsam gyis gnod pa de dag zhi nus pa'i bden tshig grub pa dang / gnyid rmugs sogs sgrib pa lnga dang nam yang 'grogs mi srid pa dang / tsA ri nas phyir