[A:3a]gyi thugs kyi sdug pa gcig pu par gyur pa dgyer dpal legs 'od kyi gdung rgyud lha dgyer dkar po dam pa'i chos la spyod pa'i skal ba can gyi dus la gzigs pa dang / pha rgyud ma'i yan lag dang bcas pa bdun brgyud dang ma rgyud pha'i yan lag dang bcas pa bdun brgyud kyi bar du chos la spyod pa'i cho 'brang la gzigs pa dang / snyigs ma lnga pos ha cang sbags pa'i dus 'dir sku dngos kyi gdul bya rnams lam log par lhung gis dogs pas yang dag pa'i lam la 'khrid pa'i dus la gzigs pa dang / padma samabha ba'i lung las/ da lta'i lha bu don yod sde/ /ma [C:259]'ongs dgongs 'dus dar dus su/ /nga la nag po'i nub phyogs su/ /sras sam rdo rje'i ming can 'byung / zhes gsungs pa ltar/ mnga' bdag khri srong lde'utsanlde'u btsan gyi sras rgya che lha'u don yod sde bsams bzhin du srid pa bzung nas/ 'khor los bsgyur ba'i dpal la 'gran par bzod pa'i sa skyong mi'i dbang po/ nang du rigs sngags 'chang ba'i mthu stobs kyi mnga' bdag jo sras kun dga' rgyal mtshan zhes bya ba'i yab la gzigs pa dang / rang bzhin gyi dbang po dul bas snying rjes rgyud rlan zhing g.yo rgyu'isgyu'i spyod pas ma gos pa/ gzugs dang lang tsho phul du byung zhing spyod lam gyis kyang yid 'ching bar mkhas pa/ rgyal yum sgrol dkar gyi sprul pa chos sgrol ma zhes bya ba'i yum la gzigs pa dang / 'khor lo sdom pa'i dkyil 'khor gyi 'khor lor rang bzhin gyis grub pa'i gnas tsA ri tra ye shes kyi 'khor lo/ kun snang sgyu 'phrul gyi pho brang chen po'i sgo 'phar 'brug mda' zhes bya ba'i sa phyogs der skyes so cog rang bzhin gyis grub pa'i dpa' bo dang rnal 'byor ma sha stag 'byung