[A:27b]rjes rgya cher mdzad do/ /
'bum phrag gzhung gis mdzes pa'i mgrin [C:311]pa nas/ /
nges don sbrang rtsis myos pa'i glu dbyangs mkhan/ /
gsung rab 'dab brgya g.yo ba'i skyed tshal du/ /
legs bshad snyan pa'i dar dir sgrog la mkhas/ /
gang khyod shes bya'i mkha' la thogs med rgyu/ /
lung rigs mngar ba'i bcud kyis lus rgyas pa/ /
shes ldan rna bar skyugs pa'i chos kyi gtam/ /
sbrang rtsi'i dog pas gangs can ma lus gang / /
dam chos 'chad la mkhas pa'i nyi ma ni/ /
gnas lnga rig pa'i mkha' la shar ba'i tshe/ /
blo ldan blo yi pad tshal kha phye nas/ /
rnam spyod 'dzum pa'i ge sar rgod par mdzad/ /
legs bshad nyin mor byed pa shar ba na/ /
log smra'i bya tshogs lkugs par byas nas kyang / /
mi shes mun pa sel bar mdzad yod kyis/ /
ye shes snang gsal long cigzhig skal ldan kyai/ /
List of Disciples
de [B:54] ltar bshad pa'i dga' ston gyis skal ba dang ldan pa'i gdul bya grangs med pa bla na med pa'i byang chub kyi lam la 'god par mdzad de bdag chen 'jam dbyangs pa dang / mthu stobs dbang phyug la sogs pa sa skya 'khon gyi gdung rgyud rnams dang / gong ma grags pa rgyal mtshan dang / spyan snga rin po che ngag gi dbang po sogs lha gzigs rlangs kyi gdung rgyud rnams dang / gzhan yang 'bri stag gi zhal ngo sogs dbus gtsang gi che btsan mang po gsung chos kyi bdud rtsis tshim par mdzad/ dbu zhwa bla ma nam mkha' rgyal mtshan la sogs pa rgyal mo rong dang / rtsong kha'i yul gyi che gnyan btsun gsum dpag tu med pa dang / lha 'bri shes rab rdo rje ba sogs rab sgang gi che btsun du ma dang / sri dkar dbon thung la [C:312]sogs pa 'dzam yul gyi mi chen du ma dang / drung ting 'dzin nam mkha' ba sogs gog