[A:29b]ge'i nga ros phyir rgol ba'i glang chen smyon pa brtul ba'i tshul brjod par bya ste/ sku gzhon nur bzhugs nas gsan sbyong mdzad pa'i tshe na'ang / bsdus grwa rigs lung gi sar sus kyang 'gran par mi bzod pa'i rigs pa'i dpung mnga' bas/ dwags dbon rigs pa'i dbang phyug bya bar kun mthun pa'i ston grags kyis phyogs thams cad du khyab par mdzad la/ bla ma slob dpon du gyur nas kyang / tshogs bsog pa dang / gling bsre bas zhabs 'bring du thal mo kha dbye bar mi nus pa tsam du grags shing / de'i tshe dpal gsang phu'i grwa sa na rtsod pa la 'gran pa'i zla dang bral ba ni/ bdag nyid chen po 'di dang / mkhas pa dge ba rgyal mtshan/ gra chung yon tan rgya mtsho dang gsum po kho na'o zhes zer zhing de dag las kyang mchog tu gyur pa ni dam pa 'di kho na'o/ zhes yongs su grags so/ /dus phyis tsA ri nas phebs rjes/ rje btsun mkhyen pa'i gter gyi bka' drin las/ bde [C:316]bar gshegs pa'i gsung rab ma lus pa la lkog tu ma gyur pa'i spyan thob pas/ gzhung lugs mang po la gzhan gyi nor ba'i phreng ba rnams kyang phyin ci ma log par mkhyen te/ sngar rgol ba'i 'dod pa ji snyed pa yi ger bkod nas/ nor ba'i tshogs 'di rnams drung nas 'byin pa'i rigs pa'i dpung mnga'o zhes/ phyir rgol yang dag tu zhal gyis 'ches zhes shing / lan thob cig ces bya ba dang / yang dag pa'i grub pa'i mtha' ni 'di dang 'di'o zhes dngos so stobs zhugs kyi rigs pas grub pa'i dam bca' ba mang po yi ger bkod nas/ rgol ba po ji snyed mchis pa'i rtsod pa la lan gyis snang bas dkar por mdzad do/ /zhes snga rgol rnam dag tu zhal gyis 'ches pa'i rtsod yig/ /lha sa'i rdo rings la sbyar te 'bel ba'i gtam [B:58] gyis sgrogs