[A:34b]'gyangs pa'i dbang gis chos ha cang 'phel [B:66] ches par ma gyur pas/ da lta dgon pa yod pa 'di'i ri 'dabs rnams su gle'u lding la brten nas bsdad pa rnams thos bsam 'phel bar gyur pa las/ rje nyid kyis sa'i dpyad legs pa sogs kyis spro ba bskyed par mdzad nas/ spyil bu 'debs su brtsalbstsal bas/ dgon pa mang por 'phel nas/ dus phyis dge 'dun gyi 'du ba rgya chen por gyur pa la/ sde snod 'dzin pa yon tan rgya mtsho ba mkhan thog mar bskos shing / grwa tshang so so'i chos 'chad la dbon po bzang po rin chen dang / slob dpon dge 'dun dpal ba/ slob dpon blo bzang dang / slob dpon grags pa 'byung gnas la sogs pa gsung las skyes pa'i mkhas pa rnams bskos te/ thos bsam sgom gsum gyi sgo nas bstan pa spel bar mdzad la/ lo rlon gyi rtsi 'dog dgon pa sgo sku rtsig mkhar gyi bar du zhig ral la song ba'i tshe/ 'phrin las rgyun mi 'chad pa'i rten 'brel la mnga' brnyes pas bkra shis sgang gi chos sde 'di nyid lung bstan nas 'debs su rtsalbrtsal/bstsal/ mkhas pa chen po dge 'dun rin chen la sogs pa chos ston par dbang bskur [C:327]bas/ lung rigs smra ba mang du 'du ba'i dge 'dun gyi sde chen po 'dir 'phel te/ dpal dang ldan pa'i chos kyi sde 'di gnyis kyi bstan pa'i rgyun gyis/ mthong smon grwa tshang gi 'phrin las kyi rtsa lag mchog tu gyur pa 'di yin no/ /sgam po'i spyan sngar bsod nams rin chen la bshad grwa 'dzugs par gsol nas/ sne'u thang gi chos grwa gsar du btsugs te/ chen po chos rgyal rin chen chos ston pa por bskos pas kyang ding sang gi bar du chos sde dar rgyas su 'gyur bar mdzad/ gzhan yang mdo khams nas mnga' ris kyi bar stod smad yan phyin kun tu grwa bu slob dang / yon bdag dang bcas pa