[A:35a]thams cad la bstan pa'i gzhi rten du dgon gnas 'debs par bskul ba dang /
dgon gnas de chags pa'i rten 'brel du sku gsung thugs kyi brtenrten bzhengs par bskul ba dang / de dar rgyas [B:67] spel ba'i thabs su dge 'dun gyi sde bshad sgrub kyi snying po can 'dzugs par bskul ba sogs mdzad pas/ spyir sangs rgyas kyi bstan pa la phyag bris su mdzad cing / khyad par du dpal ldan sa skya pa'i bstan pa sa chen po 'khor yug dang bcas par khyab par spel lo/ /bye brag tu shrI nA lendra'i chos kyi sde chen po 'di btab nas/ lha chen dang dngul gdung sogs rten ngo mtshar can rnams bzhengs pa sogs kyi tshul ni/ rong ston thams cad mkhyen pa'i zhal snga nas phyogs mtha'i bu slob la thugs kyi brtse bas sangs rgyas kyi bstan pa'i gzhi rten du/ dpal ldan sa skya pa'i chos sde zhig mdzad par bzhed pas/ rigs lnga lha khang dang / byang chub gling / lha ring brag [C:328]zhol/ snye phu sogs su mkhar las kyi sta gon mang du mdzad kyang cung zad rten 'brel ma 'grig pas/ 'phan yul gyi sa'i thig le rnams su dgon sa tshol bar dpon slob phyed dang lnga brgya phyin chos bar bteg pa'i mtshams su/ bdag nyid chen po 'di/ lha dbu tshal pa'i zhal ngo rnams kyis/ snye phu mthong smon du spyan drangs nas chos kyi 'khor lo bskor bar gsol ba na/ dben pa la dgyes pa'i dbang gis/ snye phu shug bseb tu phyags phab nas gsung chos kyi bka' drin bstsal ba na phyogs phyogs nas bya bral pho mo mang du 'dus pa rnams gnas khang gis dbul bar byas pas/ chos zhu ring gi gnas khang rang shong tsam spang las byas pa dang sa phag las byas pa dang lo ma las byas pa dang sa phug phyed yol can la sogs pa mang du 'phel ba la/ bcol bsgrogcal sgrog la dga'