[A:35b]ba dag gis/ rong ston chen pos dgon pa'i gzhi mang du gting nas yang yang spos pa las bdag nyid chen po 'di thugs snyugs bud de/ nyid rang zur du dgon pa 'debs kyin 'dug pa'i cal col mang du sgrog pa/ chos kyi rje bzod chen phyogs las rnam rgyal ba shel grong na chos bar la bzhugs pa'i snyan du gsan nas/ sba mkhar la brten zhabs btsug nas snye phu la phyags phebs [B:68] te gsungs pa/ grogs po khyed 'dir dgon gsar 'debs par 'dug zer ba'i gtam tshor byung ba mi dag la che/ rang cag gi pha rgan kyang dgon pa 'debs pa'i thugs bzhed ni shin du dur/ skyid g.yor gyi sa'i cha rnams su dgon pa'i gzhi mang du bting kyangyang rten 'brel ma 'grig pas/ 'phan yul gyi sa'i thig le rnams [C:329]su dgon sa tshol du gzhud pa ni thugs la mnga'/ dgung lo bdun cus gnya' mnan kyang / thugs rgya ni nam mkha'i mtha' ltar shin tu che/ thugs kyi bzhed pa bsgrub mi ni 'ga' tsam du bas na/
khong bgres po rang cag gnyis kyi blos btang na/ thugs bsam lam du laslus par gdon mi 'tshal bas/ dpon slob dgon pa thun mong du 'debs pa cig ci nas kyang bgyi ba'i re ba sogs/ cam bu tsam ma yin par don la rton pa nyid du gsol ba'i lan du thugs kyi dges pa rab tu gang ba'i zhal gyi dkyil 'khor 'dzum pa'i mdangs kyis byugs te bka' bstsal ba/ bdag gi yid la ji ltar 'bab pa'i gtam grogs dam pas gsung bar 'os pa nyid gsungs pa ste/ rje'i zhal snga nas/ dgon sa gzigs pa'i ring la/ phyogs 'dir dam pa'i chos don du gnyer ba dag gi 'dod pa bskang nas slad kyis phyags phyi bsgrub pa'i khas len zhabs drung nyid du phul yod