[A:36a]pa las 'gyur pa ci zhig srid de/ rdo la bris pa'i ri mo subsbsub par dka' ba ji lta ba bzhin no/ /de'i phyir na 'dir chos nyan par 'dus pa dag gnas khang gis 'phongs par gyur nas/ char gyi 'jigs skyob dutu phyed spyil gyi rnam pa re tsam byas 'dug pa la/ gzhan gyi sgro btags pa'i gtam la yid rton par ma mdzad cig /ces bya ba la sogs pa ldem po dang bral ba'i gsung 'jam zhing yid la bab pa gsong por brtsalbstsal nas/ mched gnyis po bka'i sgro ba lhug par mdzad de/ zla ba dgu pa'i tshes bcu la zhal rnam pa gnyis lhan cig par zhabs drung du thegs pa'i dus bsgrigs/ de'i ring la [C:330]gsang phu sogs yan phyin rnams su bu slob [B:69] mtha' dag la brda 'grims mdzad nas/ dus nges la mched rnam pa gnyis 'dus pa rgya mtsho'i 'khor gyis bskor nas ngang pa'i tshogs pad mo'i mtsho la lding ba ltar rje'i drung du bsnyegs pa na/ thams cad mkhyen pa dpon slob gros nas nyan por phyags phebs te/ dbyar gnas pa zhal gyis 'ches pa'i zhabs pad dbu'i gtsug tu brten pa'i bka' drin thob po/ der dpon slob dril bas dge 'dun gyi 'du ba bdun brgya la nye ba tsam dam pa'i chos 'phel bar bzhugs pa'i skabs su/ dgon sa gang du gnang bar yod pa sogs bka'i sgro ba mdzad pa na/ thams cad mkhyen pa chen po'i zhal snga nas/ "sde pa re res dgon sa 'bul ba'i sa dmigs re 'dug cing / khyad par rgyal chen rtse'i yar khugs na sa dmigs cung zad khra ba zhig 'dug rung / der rten 'brel mi 'grig par 'dug /mkhar rtse ba'i sa khul sgo la'i tshur phyogs na/ gol ma tsA ra zer ba zhig 'dug pa