[A:38b]g.yon la so sor gzar/ phyag gnyis sku rgyab dutu bsnol nas dbu cung zad dud pa dang bcas pas rtsig rmang gi mtha' bskor ba'i tshul du thegs bzhin pa'i zhal nas/ pha pha pha pha/ ya mtshan la/ ya mtshan la/ ha cang yang ches pa min nam/ dwags po dbon po ba nged rang gi 'di la thog 'bubs pa'i rtsis kyang mdzad dgos/ lung pa 'di na ni shing mi 'dug cung zad ches pa e yin gsung pa la/ dam pa 'di'i zhal nas/ bla ma thugs rje che bas shing kha 'dra rnyed de 'ong / nged rang gi 'dir dbus rtsanggtsang khams gsum 'du dgos pas ma shong gi dogs nas rgya che ba gtso bor byas pa lags/ shis sogs yab sras bka'i sgro ba mdzad de/ phyag nas gnang /
dgon pa'i ming ni nA lendra'o zhes gsungs/ slar chos khri'i sa yul der phyags phab/ sa 'bur du dod pa 'di ni dung dkar po g.yas su 'khyil ba'i rnam pa can chos khri'i sa yul 'os pa zhig ste/ grwa pa rnams rdo skyos la/ 'di rang du chos khri rtsigs shig /ming la bya rgod phung po'i ri zhes bya'o/ zhes gsung zhing dung gi 'khyil gyi thad du phyag 'khar btsugs pa'i sa de nyid du rdo mang po dpungsspungs pas chos khri'i rnam par byas pa la bzhugs stete/ rten 'brel bsgrig pa'i slad du shes rab kyi pha rol du phyin pa la sogs pa chos mang po'i dbu gtsugs/ gung tshigs la yon bdag mthar pas dpon slob bcu gnyis gdan drangs pa'i lam zhor la/ gzigs khang 'og gi thad 'di na khang rul gyi rdo phung [C:336]chen po cigzhig 'dug pa la/ bdag nyid chen po 'dis rje'i drung du / mkhar lan ma 'di'i lag gi bla red kyis byed dgos pas/ bdag gi khang chung de gzhan du ma grub dogs pa/ rdo mod sa 'dir byas chog pa zhus pas/ ji ltar bzhed pa bzhin [B:74] mdzad chog pa'i bka' phebs nas rdo phung