[A:43a]lung la/ "na ning kag snga bsu la mtshan ma ngan pa byung rung / pha'i sri ma sgrol na sngags pa yongs kyi che ba la gnod dogs dge sbyor gyi rtsal gyis 'chi ba bzlog pa yin/ da lo rang e sdod mi shes" gsung ba sogs ye shes kyi gzigs pas dus mkhyen pa'i bka' lung kyangyang gnang / zla ba brgyad pa shar nas sku mtshams la bzhugs/ tshes brgyad la phan yul lung pa'i ser mo ba rnams la sku rim gyi mang ja 'gyed bcas btang ba'i tshogs grol nas/ chos khri sgang du 'gyed skal bgod pa'i tshe/ na bza' ber thul sku drag chags pa zhig 'dug pa la/ gri kha btod par ma spobs pa'i tshe/ tshul sgang ba bzod pa na re/ "sku drag chags la kho nas dum bur byed pa 'os pa yin/ sen mo tsam las ma kheb rung dad pa'i rten sus thob rgyal ba yin pas bsil ba kho nar thag chod zer bzhin" pas/ mgul gong gi thad du gri gtsugs ma thag /nam mkha' nas me tog gi char bab pa ston gyi dus su tsam pa ka'i nags tshal rlung gis bskyod pa ltar/ gnam dang sa thams cad dkar chem chem khra mer mer gyur/ de nas rtsamsbrtsams te nyin re bzhin me tog gi char kha ba bu yug 'tshubs pa tsam bab pa na/ phal cher gyis bdag nyid chen po 'di dgongs pa chos kyi dbyings su snyoms par zhugs zin par thag gcod cing / dad pa'i spu long rab tu g.yos pa'i mig mchi mas brlan bzhin par gsol ba 'debs pa la brtson par byed do/ /chos kyi rje chos rgyal mtshan pas na bza'i [B:82] thu ba sku drag che ba'i thad nas gos khru'i bzhi tshal lhag tsam [C:346]zhig rin gyis nyos nas brgyangs te/ rje'i zhal lud dang / shangs snam sogs kyis byugs/ zhal chab 'thor ba dang / phyag gis yun ring du byab par zhu ba sogs