[A:45a]kyang zangs sku dang / sbra bzo sogs bsgrigs/ thugs dam thang sku sogs phyag nas gnang 'os mtha' dag bsags/ mchod pa rgya chen po bshams nas phyag nas gnang bas me tog gi char 'bab bzhin pa de nyid je cher bab cing / lho nub kyi ri'i rtse nas 'ja' kha dog sna lnga pa zhig byung ba'i snasne mo gzims yol [B:85] la thal byung du phug nas rje'i sku lus dang rten rnams la zug pa byung / bka' lung la/ nged rang rnams ja mnyam du 'thung pa de yid dga' bar 'dug pas/ da re ja dkar zhig sbyor las/ mi 'di rnams shog gyis gsung nas/ drung chen dpal 'byor rgya mtsho ba dang / slob dpon legs rgyam pa/ rje lo chen/ dbon po rnam gnyis/ sku zhang / nyer gnas dpal ldan bkra shis/ chos rje kun dga' dpal/ bla ma phun tshogs pa sogs sku 'khor ba rnams tshogs [C:350]pa'i dbus su/ nged na ning nas 'gro dgos rgyu yin na'ang / gdul bya lhag ma mang rab kyi don bya dgos yod pa dang / khyed rnams la brtse bas rton gsum rnams kyi zhabs tog ma 'grub pa'i tshul byas tshe srings pa yin/ da lo gdul bya mang po'i don grub byung bas/ da ni tshe 'dir bgyid 'os kyi bya ba phal cher tshar/ phran tshegs kyi 'phro can rnams skye ba phyi ma la e 'grub lta ba yin/ 'jing pas mgo mi theg cing zug zer 'ba' zhig gnas su gyur pa'i lus 'di la'ang zhen pa log byung / nad g.yog rnams kyang 'phangs par 'dug/ /dus ding sang gi skye bo 'di rnams kyi spyod pa la'ang yid 'byung bar gda'/ snyigs ma'i dus 'dir thos bsam sgom gsum/ 'chad rtsod rtsom gsum/ bya ba las kyi 'khor lo sogs sgo mtha' dag nas bstan pa dang sems can gyi don rang dkris kyis ma bcings par byas pa'i lugs yin/ 'chi brod kyi gdeng